жеке
блог

Тәтті

 

Бірде тәтті десе жанын беретін баласы бар бір әйелге таныстары: «Бала4ды Ақшехірдегі Қожанасыр деген әулиеге алып бар. Мұның бір емін тапса сол табар»- деп ақыл беріпті. Содан әйел тәттіқұмар баласын сүйреп жолға шығып, Қожаның ауылына жетіпті де Қожекеңнің алдына келіп зарлап қоя беріпті:

-    Садағаң кетейін, Қожеке! Өзің бір амалын таппасаң, барар жер,
басар тауым қалмады. Шарламаған емші-домшым жоқ. Енді өзің бір
амалын қылып баламды тәттіден тыйып бер — дейді. Әйелдің арызын
мұқият тыңдап алған Қожа оған:

-    Сендер маған енді, бір айдан кейін келсеңдер өте жөн болар еді-
дейді. Әйел  Қожекеңнің айтқанын орындап ауылына қайтады да,
араға ай салып, баласын жетектеп қайта келіп тұрады.  Бұл жолы
Қожанасыр баланы қасына шақырып алып, тап бір естияр адамға
айтқандай етіп:

-    Балам, сен тәттіге   құмартпа. Ол сенің денсаулығыңа, болашағыңа
көп зиян етеді,- дейді де әйелге қарап: -Ал енді боссыңдар, қайта
беріңдер — дейді. Қожекеңнің мұнысына күйіп кеткен әйел бажылдап
қоя береді:

-    Бір ай бойына сандалтқандағы емің осы ма? Бұл сөзіңізді керілмей-
ақ  өткен  жолы  келген  сапарымызда  неғып  айтпадыңыз?-  дейді
ренжіп. Бүған Қожа саспастан:

-        Ол жолы менің өзім тәтті десе өлуші едім.  Өзім істемейтін ақыл-
кеңесім балаңа енбес еді. Сендер келіп кеткен бір айдың ішінде мен өз
нәпсімді ауыздықтап, тәттіден тиылдым. Енді балаңа айтқан сөзім ем
болып,
тәттіден   тыйылады, иншаалла!- деп шығарып салыпты.

(Шәкәрім осыған үндес:

Сыртқы сөзің шын болса,

Ішің толган жын болса, Журегіңде мін болса,

Айтқан сөзің ем емес!)




Ең қызықты блогтар

Педагогтің эмоционалдық жануы және психологиялық саулығы
Еңбекті қорғау компания дамуының басым бағыты
Болашақта өзімді қалай елестетемін?
Әлемдегі өзгерістерге сай өзгере біл
Кәсіби маманның ерік қасиеттерінің дамуы жайлы
Шет елде тегін білім алуға мүмкіндік беретін жобаны білесіз бе?

Жұлдызды блогтар