Оқи отырыңыз

Мойындағы борышты білу – білімнің ісі, борышты төлеу – адамшылық ісі

Автор: Ахмет Байтұрсынұлы

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / «Мәңгіліктің роктың» екінші фондағы бас кейіпкерлері

«Мәңгіліктің роктың» екінші фондағы бас кейіпкерлері

«Мәңгіліктің роктың» екінші фондағы бас кейіпкерлері

Рок-н-роллдың жілігін шағып, майын ішкендер «Мәңгілік роктың» етін сүйегінен ажыратып баға-пайымдауларды беріп-ақ жатқан тұста, аталған жанрды ара-тұра ғана тыңдайтын, ойындағы азды-көпті ақпараты шаң басып жатқан дилетанттың пікірі оқырманға қаншалықты қызықты боларын білмедім, алайда, хэви-метал мен хард-роктың глэм-металға қандай қатысы бар екенінен шала-шарпы хабардар жұртшылық үшін рецензия зиянсыз болар деп шештім.

1987 жыл. Жетпісінші жылдары бұрқ ете қалған глэм-рок Америка Құрама Штаттарында танымалдылықтың ақырғы күндерін өткізіп жатыр, жұдырықтарын түйіп, екі саусақтарын шошайтып, тіл шығарған мыңдаған фанаттар жақын арада жаппай поп-музыканың астында қаларын сезер емес.

Голливудты бағындырамын деп келген Шерри аузын ашып жүріп бар дүниесінен айрылып қалады. Аты дүрілдеп тұрған жергілікті барға даяшы болып жұмысқа орналасады, бармен болып істейтін музыкант Дрюмен танысады, тірнектеп жүріп дөңгелек пластинкаларын жинаған атақты рок-жұлдыз Стейси Джекксты «тірідей» көреді, жағымсыз кездейсоқтықтың арқасында жігіті болып үлгерген Дрюмен айрылысады, биші болып басқа ойын-сауық орнына кетеді, жылап-сықтайды, билейді, ән салады…



«Шаш спрейі» (Лак для волос/Hairspray) фильмі арқылы 60-шы жылдардың атмосферасын айна-қатесіз дерлік жеткізе алған (сарықарын бәйбіше рөліндегі Джон Траволтаны ұмытпаған шығарсыздар) режиссер Алан Шенкман – көрермендерге таныс маман. Оның «Естелік серуені» (Спеши любить/A Walk to Remember) туындысын ауызға алса болды, алды мектеп оқушысы, арты орта жастағы аудиторияның шулап қоя беретіні бар.

Сол Шенкман алдыға Джулианна Хаф (Шерри), Диего Гонсалес Бонета (Дрю) секілді жас актерларды салып, ауыр артиллерияның орнына Алек Болдуин (Деннис Дюпри), Кэтрин Зета-Джонс (Патриция Уитмор), Пол Джиаматти (Пол Гилл) және Том Круз (Стейси Джексс) сияқты тіс қаққан мамандарды алып «Мәңгілік рокты» түсірген екен.



Фильм, мюзикл болғандықтан, бірінші кезекте өзіне тән ерекшелігімен, яғни музыкасымен, әуенімен, актерларының дауысымен аудиторияға қызықты. Бұл тұрғыда «Мәңгілік рокты» сынап, ұрсып, сүзгілейтін жөн жоқ, себебі, сол кездегі глэм-метал мен AOR (Album-oriented Rock – Рокқа бағытталған альбом) жанрларындағы танымал еңбектердің каверлері ойнатылатын фильм рок-музыкадан еш хабарым жоқ деген көрерменді берісі дән риза қылып, арысы «I Love Rock 'n' Roll» деп ән айтқызып қояды. Сондықтан, жеке өзім тұтынушы ретінде мюзиклдардың сценариін жазған Крис Д’Ариенцоға рахмет айттым.

«Валькирия» операциясы», «Соңғы самурай» және басқа толып жатқан фильмдерде ер мінезді, нар тұлғалы кейіпкерлерді сомдап келген Том Крузды ковбой қалпағын баса киген, виски бутылкасы аузынан ажырамайтын, денесін тату басқан, сықырлаған теріден жасалған киім киген Стейси Джексс бейнесінде көру көрермен ретінде мені «мәдени нокаутқа» жіберді (Алек Болдуин мен Кэтрин Зета-Джонсты қойшы, қиямпұрыс кейіпкерлерінің шет-жағасын көрдік қой). Сөз жоқ, «Орындалмас миссияның» қаһарманы «Мәңгілік роктың» екінші пландағы бас кейіпкері атануға лайық: фильмнің сөлі, мәні осы Джексстың маңына шоғырланған.



Екі ғашық-бас кейіпкерлерді ойнаған Джулианна Хаф пен Диего Бонета таң қалдыра алмады. Әрине, ол актерлардың алдарына қойылған миссияның кесірінен болар, бірақ шашы дудыраған ақсары қыз бен бұйрабас жігіттің осы рөлдері өздеріне дейін және кейін экранға шыққан/шығатын голливудтық қалың бозбала-бойжеткендер тобының арасында қалып қоя ма деймін.



Фильм жан-тәнімен музыкаға берілген меломандарға ғана емес, жай ғана фильм тұтынушыларына да қызықты болады деп ойлаймын. Әрине, егер сізді рок-н-роллдың лас тұстары кері итермесе (мәселен, «секс, есірткі және рок-н-ролл» ұраны), онда фильм тек орындалатын саундтректері үшін ғана көруге тұрарлық деген ұсынысты қабылдап көрсеңіз болады.

«Мәңгілік роктың» күлкі шақырған тұсы boy band-тардың көрсетілгені болды. 90-жылдары жаппай аса танымал болған бұл топтар бір кездері рок-аудиторияның ысқырығын естіп, лақтырған бөтелкелерінен «таяқ жеуі» ескінің кетіп, жаңаның келуі туралы пәлсапалық ойларға жетелеп-ақ кеткені рас. Бірақ, бұл басқа әңгіме…

P.S. Алек, сізге гомосексуал болған жараспайтын сияқты




Дінмұхамед Зиядин

Киностан.кз

472 0
Рейтинг: +0

Жазылған уақыты: 20 маусым 2012, 14:18
Тегтер: Мәңгілік рок, Рок на века, Rock of Ages, Джулианна Хаф, Диего Бонета, Расселл Брэнд, Пол Джаматти, Кэтрин Зета-Джонс, Малин Акерман, Мэри Джей Блайдж, Алек Болдуин, Том Круз, рок-н-ролл, музыка
Пікірлер
+0
20 маусым 2012, 15:39

Өзімді мюзикл маманы деп санамаймын, алайда, фильмде ән аса тым көп болған сияқты. Сосын бір жүректі баурап алатын сюжет болмады. Құр ән салу мен "кір" дүние көп болған сияқты. Мысалы, Алектің көгілдір болып шыққаны да сондай жағымсыз. Басты рөлдегі екі қуыршақ: Барби мен Кен десе де болады. Олардың махаббаты еш әсер ете алмады. Том Круз өз рөлін мықтап ойнап шықты, жаңа амплуа, мойнына түскен жүкті керемет алып шықты. Сонда да оның рөлі жарқын болмады. Жалпы жарқын ештең таппадым. Ішпыстырарлық фильм болды мен үшін.

+0
21 маусым 2012, 12:37

Мүмкін, әркім өзіндік пікір айту құқығына ие ғой. Жарқын дегенмен келіспес едім, егер виуазлдық жарқындық туралы айтсаң, онда ол дұрыс та солай болғаны, себебі рок-жанрдың атмосферасы поп емес, қызыл-жасыл әлемді басқаша ұсынады. Ал Том Круз ойыны мен орындалған каверлер керісінше өте жарқын болып көрінді. Тұзы сонда фильмнің. Бас кейіпкерлерге қатысты келісемін, екі актер уішівөліңдер:)))

+0
21 маусым 2012, 12:49

Каверлеріне сөз жоқ. Бірақ ана басты рөлдегілердің айтатын попсасы жыныма тиіп отырды. Ал, былай жарқын момент ана 4 жігіт шығып, попса айтатын жері ия, күлкілі. Жалпы идеясы жақсы. Рок музыканы попса басып кеткені жайлы, олардың қиындықтары жайлы, рокерлердің болмысы жайлы көрсеткісі келген. Алайда пафосно көрсетіп жіберген сияқты.

+0
21 маусым 2012, 12:52

Мысалы, осыдан 7 жыл бұрын "Переступить черту" деген осындай типтегі мюзикл болған. Бірақ онда рок емес, кантри әншісінің өмірі жайлы. Сондағы актерлердің ойыны, музыка, жалпы жаныңды баурап алатын сюжетке мүлдем жетпейді. Кантри әншілері де осы сияқты наркоман, ішкіш болса да сондай пафос емес, жалпы өмірі қандай, болмысы қандай соны айқын көрсеткен.

+0
21 маусым 2012, 13:02

"Рок музыканы попса басып кеткені жайлы, олардың қиындықтары жайлы, рокерлердің болмысы жайлы көрсеткісі келген. Алайда пафосно көрсетіп жіберген" дегенмен келіспеймін. Джефф Брижес ойнайтын "Ессіз жүрек" (Сумасшедшее сердце/Crazy Heart) деген фильм бар. Кантри-әнші туралы. Сол жерде жаңағы сен айтқандай бәрі көрсетіледі. Бірақ, "Мәңгілік рок" ол қатардағы фильм емес. Бұл таза коммерциялық, тек ақша табуға арналған фильм. Ал қандай да бір драмалық ноталар қосу фильмге біздің бүгінгі күнгі "попкорндық" көрермендерді кері итеріп алуы мүмкін еді. Сондықтан әзіл мен музыкадан тұратын терең ойландыруға мұрша бермейтін дүние жасаған авторлар. Егер көркемдік тұрғыдан алсақ, фильм боқ, себебі Том Круздың ойынынан басқа іліп алар ештеңесі жоқ. Бірақ, ол көзқарас біздің жалпы массаның пікірімен сәйкес келмейді.

+0
21 маусым 2012, 13:05

Мен попкорндық көрерменге жатпайтындықтан (кхм-кхм) маған мұндай сюжет пен топастық ұнамады опшым. :D

+0
21 маусым 2012, 13:07

Келісемін, "Мәңгілік рок" "Шал" емес:)) Түрлі нүктеден алып қарауға жеке өзім мәжбүрмін, себебі өзімді звиздец киносыншы деп алсам, көпшілік түсінбей қалады. Әйтпесе, жоғары эпитеттік, адами-рухани құндылықтар тұрғысынан алып туалетке ағызып жіберуге болар еді фильмді.

+0
21 маусым 2012, 13:09

Басынан солай демейсің бе енді :lol:

+0
21 маусым 2012, 13:12

Қызық, негізі ол былай да түсінікті сияқты ғой, себебі бұл өмірде бәрі салыстырмалы. Әлгі ішіп-жем, суп не болды?

+0
21 маусым 2012, 13:13

:lol:

+0
20 маусым 2012, 18:57

Димаштың талдауынан соң, фильи туралы ләм дей алмай қаласың :D :D

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев