жеке
блог

Диуана

 

Бір  күні Қожанасыр есекке  мініп,  ұлы жанында жаяу еріп базарға келе жатады. Бұларды көрген біреулер :

-  Ананы қара, үп-үлкен адам өзі есекке мініп, титтей баланы қинап
жаяу жүргізіп қойғанын, - дейді.

Мұны естіген Қожанасыр дереу есектен түсіп, баласын есекке отырғызады да, өзі жаяу жүреді. Алдарынан таныстары шыға қалып :

-   Әй,   Қожам!   Сіз   бұл  жасыңызға   келгенде   жаяу  жүріп,   мына
арыстандай ұлды   есекке мінгізгеніңіз    қалай ? Құдайдың   құлына
жараспайтын іс бұл! — деп сөгеді.

Ұлы екеуі бірдей есекке мініп келе жатса алдарынан жолыққаң тағы біреу :

-   Ұяттан   жұрдай   болған   екенсіңдер.   Айтатын   тілі   жоқ   байқұс
хайуанның, әйтпесе екеуі
ңді бірдей алып жүру оңай ма? — деген екен.
Қожа есегінен өзі де түсіп, баласын да түсіреді.

Енді екеуі жаяу, есек бос келе жатады. Тағы біреу   бұларды көріп, басын шайқап :

-  Алла, Алла ! Бұл дүниеде не қылған түсініксіз адамдар болады.
Есекке мінбек бар екен, не қылып ұлы да ,өзі де жаяу келеді? Ана
хайуан болса рахаттанып бос келеді., - дейді.

Бұл сөздерді естіген Қожа баласына :

-  Көрдің бе, әркімнің сөзін тыңдасаң диуана боларсың. Ең жақсысы,
қашанда өз жүрегіңнің қалауын істе. Кел, есекке мінейік, - деп екеуі
есекке жайланып отырып, жүріп кетіпті.

. ( "Көптің сөзін тыңдаған, күн
көре алмайды. " (халық даналыгы))

 

 

Бөлісу:
Пікір қалдыру үшін сайтқа кіріңіз
Өзгерту



Жұлдызды блогтар

Ана мен бала жағдайы
Ана мен бала жағдайы
Бауыржан Момышұлы келінінің кітаптары
Бауыржан Момышұлы келінінің кітаптары
Екі жүрек бірге қағуда
Екі жүрек бірге қағуда