Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте пікір қалдыру мен блог жазу ережесі өзгерді
Массагетте пікір қалдыру мен блог жазу ережесі өзгерді

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Сағынып жүрмін...

Сағынып жүрмін...

Сағынып жүрмін...

Сағынып жүрмін... 

         Құдай-ау, Төлеген ақынның сағынышы менің жүрегіме ұя салып алған ба, қалай өзі?! Ес-түссіз, ештеңені ойламай сағына беремін... «Түкпірімдегі дір ете қалғыш осынау құйттай жүрек» сағынышымен көкірегіме тыныштық берер емес. Бар болмысымды билеп алған сағыныш жаным түгіл тәнімді де өзіне бағындырып, ендігі сәтте ақ қағаз бетіне сезім болып төгіліп жатыр...

Рас, сағыныш атты сезімді бұрыннан, баяғыдан жақсы көрем. Мынау аппақ дүние есігінің өзін сағынып барып ашқандаймын. Сағынып барып мектеп табалдырығын аттап, сағынып барып оны бітіргендеймін. Мына ару қала Алматыға да мені сүйреп әкелген сол сағыныш секілді. Жадыраған жаздың ауасын жұтып тұрып қытымыр қысты сағынамын, аязды қыстың аппақ қарын сықырлата басып келе жатып Пушкин ерекше құмартқан «күрең» күзге аңсарым ауады. Сөйте тұрып, еріксіз шошып кетемін. Көкірегіме орнап алған мына сезім тасқыны кеудемді өртеп жіберердей көрінеді.

Бүгін де дәл солай... сағынып отырмын... алыста қалған туған жерімді сағынамын. Балалығымның бал күндері бірге өткен достарымды сағынамын. Оны қойшы, оларды сағыну заңды да шығар... Ал жаңа ғана жүздескен досты сағынуыма не дейін... Кеше ғана сөйлескен құрбыға деген сағыныш қайдан келген... сәл уақыт бұрын жүріп өткен жолымды сағынуым қалай?... Қайдан келген алапат сағыныш бұл?!

«Мен мынау ыстық жүрегіммен қара тасты да сағынам

Қаланып қалса тәртіппен», – дейді ақын Төлеген. Иә, біздің де жүрек дәл солай соғуда. «Сағыну мен аңсаудан тұратын көкірегі ыстық дүниеге деген сағыныш» екен мені төсектен жұлып алған...))) Төлеген ақын орнатқан сағыныш екен ғой бұл... Жүрекке орныққан осы сағынышыммен, сағына білуіммен бақытты екенмін...

         Достар, сіздерде қалай? «Өмірде мынау сағынбағандар бақытсыз, бақсыз, талайсыз» деген де Абергенов емес пе еді...  Сағына алып жүрсіздер ме? Сағынышыңызды жоғалтып алсаңыз, Төлеген ақынның өлеңдерімен достасыңыз. Оның жырлары жүрегіңізге орныққан бір күні, мені дәл бүгін ұйқы құшағынан ажыратып алғанындай, сізді де төсектен жұлып алатына мен кепіл...)))

         Ендеше, «туған ай, шыққан күннің астында отырып, бір уақ Төлегенді оқыңыздаршы. Өмір сүру анағұрлым жеңіл болады...»

 

Ақынның сағынышты жырларынан:

… Сағынған көздің моншағы

Шашылып жатыр төсекте.

*** 

Сүйем мен сені, сүйем мен сені, көкірегі ыстық дүние,

Тұратын түгел сағыну мене аңсаудан!

*** 

…Егер сен жарық жаңарыңды алсаң қайғы мен мұңға батырып,

Сағынып жүрмегендіктен!

*** 

Сағыныш жайлы қайтадан толғау, болар да бәлкім қолайсыз,

Дегенмен, жаным, көгілдір дүние сағынбасын арайсыз.

Өмірде мынау, сағынбағандар, бақтсыз, бақсыз, талайсыз,

Қазақтың жыры Абайсыз.

*** 

Өткелі қыруар жолдарда жанға батқан да шығар сан ызғар,

Бір қасық суды аңсатқан шығар сан тарам сарша тамыздар.

Бірақ та, жаным, өледі қыран қияға самғап баратып,

Болғасын бейбақ өз жүрегінің сағынышына қарыздар.

*** 

О, шіркін, менің сағынышымдай көлемі шексіз болса аудан,

Ондағы жандар көз ашпас еді ау, сағыну менен шаршаудан.

Сүйем мен сені, сүйем мен сені, көкірегі ыстық дүние,

Тұратын түгел сағыну менен аңсаудан!

*** 

Сағыныш деген - молшылық қазына, бола да берер артық-кем,

Ал нағыз асқақ сағыныштарда араның балы бар тіптен.

Мен мынау ыстық жүрегімменен қара тасты да сағынам

Қаланып қалса тәртіппен!

 

Сағынышымды сіздерге жеткіздім, енді ұйықтайын....

19 маусым 2012 жыл

Сағат таңғы 04:50

Рейтинг: +5

Жазылған уақыты: 19 маусым 2012, 11:52
Пікірлер
+0
19 маусым 2012, 12:13

менде сағынып жүрмін сол бір жанды :(

+0
19 маусым 2012, 12:31

))) Сағынып барып қауышқанға не жетсін! Сағынышты жаныңызбен кездесуді жазсын!

+0
19 маусым 2012, 12:32

аумин

+0
19 маусым 2012, 12:31

"…Егер сен жарық жаңарыңды алсаң қайғы мен мұңға батырып,

Сағынып жүрмегендіктен!" Қандай тамаша айтылған, десеңші!

+0
19 маусым 2012, 12:31

микроблогқа жазу керек екен, десең да :D

+0
19 маусым 2012, 12:34

Сабырың қанша дем берді,
Әлі де талай шыдарсың.
Саfыну үшін тек МЕНІ,
Алыстап кеткен шыfарсың ...

+0
19 маусым 2012, 14:17

Ерінбей отырып ағылшынға ауыстырдың ба? Ғ-ны жазу үшін? :)

+0
19 маусым 2012, 14:27

мейл ру микроблогына жазу үшін дайындалған дүние ғой ))

+0
19 маусым 2012, 13:23

Тамаша!

+0
19 маусым 2012, 13:57

осы сағыныштан қорқам кейде, сол жанға жетпей қаламын ба деп...

+0
19 маусым 2012, 14:18

Сағынышыңыз шынайы болса болғаны, Мақпал. Сол сағынышыңыздың өзі-ақ алып барады сағындырған жанға!

+0
19 маусым 2012, 14:59

Рахмет, әрине!

+0
19 маусым 2012, 18:02

Ойлансақ, сағына білу де бақыт! өйткені, бұл сезіммен таныс емес жандарды да кезіктірдім (өз сөздеріне қарағанда). Өз басым сағынатыным сондай, жалығып та кетемін, шаршаймын. Бар ішкі әлемім сарғайып кеткендей болады. Мен тіпті, қасымда отырған адамды да сағынамын кейде... Осы тақырыпқа сай, жас ақын Индира Керееваның өлеңімен бөліскім келеді:
Сағынғым келеді Сізді...
Сол.. Баяяяғы Сезіммен әппақ....
Сағынғым келеді Сізді,
Тағы да... Өзімнен аттап;

Сағынғым келеді Сізді,
Сағыныш жылаған кезде;
Сағынғым келеді Сізді,
Тағдырым сынаған кезде;

Сағынғым келеді Сізді,
Сарғалдақ сарғайған кезде;
Сағынғым келеді Сізді,
Сезімім ұлғайған кезде;

Сағынғым келеді Сізді,
Мұң Шәлі жамылған кезде;
Сағынғым келеді Сізді,
Сіз мені сағынган кезде...

+0
19 маусым 2012, 19:48

Әдемі өлең екен... Сағыныш жайлы біраз "зерттеу" жүргізіп тастасам да, мына өлеңді бұрын кезіктірмеген екем :)

+0
19 маусым 2012, 19:04

мен де сағындым, сағынышымды есіме алсам кеудеме тура оқ атқандай ауырады, міне қазір де...

+0
20 маусым 2012, 00:03

Сағындым сені, сағына берем, сенемін... бүгінге дейін сағынуменен келемін.... шаршаған кезде, аңсаған кезде мен мұңды... сағынышымды жалашы деп саған беремін...)))

+0
20 маусым 2012, 18:12

менде са5ындым сол бір жанды

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.