жеке
блог

МАҚПАЛ-7 (ЦИКЛ)

Сені ойлау. Сені аңсау тағы да,

Шаршаған емеспін күтуден.

Жалғыздық сыйлаған жаныма,

Өзіңсіз күндерге түкіргем.

 

Күбірлі өлеңді жел тыңдар,

Ессіз деп аяйды айналам.

Арымның алдында Сертім бар,

Тәңірдің Дұғасы байлаған.

 

Сен жайлы түс көрем түнімен,

Күнімен ойлаймын, о, несі.

Сөздерің дуалы Ұлы Дем,

Көздерің Жұмақтың Елесі.

 

Уланып қиялға ми – сана,

Ескіріп естелік жылдары.

Уақытты аяймын бейшара,

Тым ауыр ойлардың құрбаны.

 

Төзімдер мендегі боркемік,

Сезімдер, неліктен, жылауық?

Өлемін отыңа өртеніп,

...Молама келіп кет дұға қып.

24.05.2012 жыл

Ең қызықты блогтар

Ислам философиясы қашан пайда болды?
БАҚ-тағы табиғи апаттарды сипаттаудағы метафораның орны
XXI ғасырдың Абайы
Рене Декарттың туа біткен идеялары мен философиялық ойлары
Суицидтің алдын-алу
Ұлттық таным көрінісі: Ақұштап Бақтыгереева лирикасы бойынша

Жұлдызды блогтар