Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Мұхтар Шаханов «АҢЫЗ АДАМ» ба?

Мұхтар Шаханов «АҢЫЗ АДАМ» ба?

Мұхтар Шаханов «АҢЫЗ АДАМ» ба?

Біреуге «аңыз адам екен» деп баға беру үшін алдымен «аңыз» сөзінің мағынасын түсініп алуымыз шарт секілді.

М.Әуезов: «Қазақ аңыздарының ертегілерден ерекшелігі сол - барлығы да тарихта болған адамдар жайында айтылған, халық шығарған көркем әңгіме болып келеді. Кейін оларға қоспалар қосылады да, халық творчествосының ерекше бір саласын құрайды» деп бірден екі жанрдың жігін ашып алады. Бұл теорияға сүйенсек, аңыз адам деп – тарихта болған, ерекше еңбегімен халықтың сүйіспеншілігіне бөлену арқылы оның сүйікті кейіпкеріне айналған адамды айтсақ керек. Халық сүйікті кейіпкерінің есімін өзі-ақ аңызға айналдырып, өтірік-шыны аралас қызық оқиғалардың барлығын соған таңады.

Халық солай аңызға айналдырған тұлға қазақта көп-ақ... Ол тізім: Бауыржан Момышұлы, Мұқағали Мақатаев, Шәмші Қалдаяқов болып жалғасып кете береді...

Ал Мұхтар Шаханов аңыз адам ба? Осы сұрақ журналдың кезекті нөмірі Мұхаңа арналарда редакцияда талас-тартыс тудырды. Біріміз патриот ақынға журналымыздың бір нөмірі арналуы керек десек, тағы біріміз «көзі тірі адамды аңыз адам» деп неміз бар дестік. Әрине, соңғы шешімді бас редактор қабылдады, ақынды журналға шығаратын болдық. Бірақ сынның астында қалдық. Әсіресе, өздерін «аңыз адам» санайтын, үлкен тұлғаларымыз қарсылық білдірді. Көбінің әңгімесі «Мұхтардың жақсы ақын екендігіне дауымыз жоқ, бірақ...» деп басталады. Сонда Мұқағалидың атының аңызға айналуына жалғыз ақындығы, Шәмшінің тек композиторлығы, Баукеңнің батырлығы аздық ете ме?

Ақынның:

Иә, жастық шақ болған емес ешқашанда жарлы ұғым,

Аяу керек, жастық отын ерте өшіріп алғандардың барлығын!,

немесе:

Достық деген ізгіліктің алаңы,

Оған куә ғасырлар мен замандар.

Отанын да сатып кете алады,

Қиын шақта досын сатқан адамдар, – деген өлең жолдары оқырман жадында ұзаққа жатталып қалды емес пе? Ал Мұхаңның желтоқсандықтардың бағасын берудегі ерлігі, тілге жанашырлығы өз алдына бөлек әңгіме...

Қымбатты массагеттіктер! Сіздерше қалай? Мұхтар Шаханов – аңыз адам ба?

14331 30
Рейтинг: +4

Жазылған уақыты: 05 маусым 2012, 13:34
Пікірлер
+0
05 маусым 2012, 14:03

Мен ол кісіні аңыз адам дегенге толығымен келісемін, 100 жылда 1 туатын тұлға деп білмін!

+0
05 маусым 2012, 14:20

М. Шаханов - аңыз адам. Кім қалай көйітсе де бұл талассыз. Журналдың бір санын арнағандарыңыз дұрыс болған. Жақсыны бар кезінде бағалау керек, көзі кеткен соң өлі сөз айтпай.

+0
05 маусым 2012, 14:29

Қазақта бір жаман әдет бар. Ол - көзі тірісінде адамды мойындамау. Бірақ сен мойындамады екен деп Мұхтар ақынның бір тал шашы түсіп қалмайды. Қысқасы, Мұхтар - аңыз адам. Ол болмағанда кім лайықты? Айтыңдаршы енді...

+0
05 маусым 2012, 14:35

Аңыз тұлға,шынымен.

+0
05 маусым 2012, 14:37

Н.Назарбаевқа да бір нөмірлеріңізді арнап, аңыз адам деп шығарып едіңіздер, енді Шахановқа келгенде ойланып қалғандарыңыз қызық екен)

+0
05 маусым 2012, 14:54

Шахановқа деген көзқарастарыңызға разы болып отырмын... :)

+0
05 маусым 2012, 15:08

(«көзі тірі адамды аңыз адам» деп неміз бар дестік)осы биз неге улы адамдарды тири кезинде мойындаудан коркамыз!?кайта биз казакта осындай елин, жерин суйген улдарымен мактанбаймыз ба? мен оз басым Мұхтар Шахонов ағамызды мақтан тұтамын!

+0
05 маусым 2012, 15:21

(кайта биз казакта осындай елин, жерин суйген улдарымен мактанбаймыз ба?) Барлығы сіз сияқты ойласа ғой, Мөлдір!

+0
05 маусым 2012, 15:30

Өнері тарихқа жазылатын тұлға.

+0
05 маусым 2012, 15:34

"Рух пен тіл" арқылы бұл кісінің адам ретіндегі бейнесіне көзім жетті. Бағаласам тек ақындығын жоғары бағалаймын. Болды.

+0
06 маусым 2012, 12:27

Ұшқынмен ойым бір жерден шығып отыр

+0
22 желтоқсан 2012, 11:26

Менің түсінуім бойынша Рух пен тіл клубы қасқырдың терісін жамылған түлкілер деп ойлаймын

+0
05 маусым 2012, 16:18

Мұхтар Шаханов қарсы шықпағанда барлықтарымыздың куәліктеріміздің артында "ҚАЗАҚСТАНДЫҚ" дегеп жазылу тұратын еді.... ҚАЗАҚ деген жазуды ескі куәліктерден ғана көріп, бұрын осылай жазылушы еді деп отырар едік... Үкілі Ыбырай: Ханнан да қадірлімін туған елге дегенде, Мұхтар аға неге айтпасын... Аңыз адам.... 100 пайыз...

+0
05 маусым 2012, 16:54

Дұрыс айтасы, Арғын. Және жыланда ғана болатын екі айыр тіл, яғни мемлекеттік тіліміз қазақ және орыс тілдері болып кетуі де ықтимал еді.

+0
05 маусым 2012, 17:17

Мұқтар Шаханов - Аңыз Адам!

+0
05 маусым 2012, 17:44

Әлі қарсы көзқарас білдірген бір адам болмады... Бұл да нәтиже :)

+0
05 маусым 2012, 22:55

Нағыз ұлтқа жаны ашыр жан

+0
06 маусым 2012, 12:28

Аңыз адам деп аспанға ұшырудың қажеті жоқ. Талантты ақын, келісемін. Бірақ аңызға балап керек емес

+0
22 желтоқсан 2012, 11:21

Аңыз адам деп ардақ тұтса аспанға ұшырды деген сөз емес. Біздің елде қазір талантты ақын көп, ал Шахановты олармен салыстыруа келмейді, яғни қазіргі талантты ақындарың Шахановтың бір тал шашымен салыстыруға келмейді.

+0
06 маусым 2012, 13:06

Мұхтар Шаханов - аңыз адам. Жақсыны көзі тірісінде бағалай білейік, мойындай білейік.

+0
22 желтоқсан 2012, 10:40

Әрине, Мұқтар - аңыз адам! Егер, Н.Назарбаев аңыз адам саналса. Сондай-ақ, Т.Бигелдиновті де ұмытпауымыз керек.,

+0
10 мамыр 2013, 00:39

аңыз адам деген атаққа мұқтаж емес Мұқтар Шаханов, халық аңызға айналдырып алады

+0
13 мамыр 2014, 02:54

аңыз адамдар Мұхтар Шаханов ағамызға қызығы да қызғана қараса керек, нағыз ұлт жанашыры елім ұлтым дінім тілім деп күресумен өмір кешуде. АҢЫЗ ТҰЛҒА...

+0
13 мамыр 2014, 09:47

МҰХТАР ШАХАНОВ - АҢЫЗ АДАМ. Бұған ешкімнің таласы болмай-ақ қойсын. Кейбір көре алмайтын, ішітарлар мойындамауы мүмкін. Бірақ, Мұхтар ағамыз әлде қашан АҢЫЗ АДАМ болып қойған.

+0
13 мамыр 2014, 11:33

Керемет адам,гажап адам,аныз адам

+0
08 желтоқсан 2014, 14:54

Шыныменде біздің қазақта көреалмаушылық,асылды тірі кезінде бағалау деген қасиеттер аз.Мұхтар Шаханов мен үшін АҢЫЗ АДАМ.Қазақ елі жеткен биіктерді елбасының ерлігі деп мақтаймыз,Нұр ағаны Елбасы еткен бұқара халық еді.Қазақтың байлығын шетелге сатқан,ана тіліне жаны ашымайтын адамды Аңыз адам дәріптедік. Көреалмаушы көздер осыны неге көрмеді екен?

+0
12 қазан 2015, 11:46

Мұхтар аға аңыз адам. Ия Ия аңыз адам. Іші күйгендер тұз жаласын, аңыз адам емес дегендер олар аянышты, мүсіркеуге турарлық адамдар.

+0
12 қазан 2015, 11:48

Енді Аллах тағала кейбір қандастарымызды солай іштар, шарасыз куйге түсіріп қойса амал нешік. Оларды құдай аясын.

+0
22 қыркүйек 2016, 14:23

Мұхтар аға жәй жаратылған адам емес, Ол Қазақ үшін туылып, Қазақ үшін күресетін адам Қазақтың жоғын жоқтап, жоғалғанын тауып, барын ардақтайтын адам. Елді осындай тау тұлғалар басқаратын болса, біздің жағдайымыз тек шикі затын сатып, құдайдың берген байлығын шетел асырып өз халқын қарыз қылып қоймас еді,

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев