Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Мен жат па едім қазақтың баласына!?

Мен жат па едім қазақтың баласына!?

Мен жат па едім қазақтың баласына!?

Жадыраған жаздың алғашқы таңында әсем әуендермен көңілімді көтерейін деп құлаққабымды киіп, жұмысқа келе жатсам, Республика сарайының  алдында үлкен бір іс-шара өтіп жатыр екен. Халық ығы-жығы. Есіме түсті. Бүгін балаларды қорғау күні екен.

 

Алаңсыз асыр салып жүрген бүлдіршіндердің сыңғырлаған күлкілері керемет қой! Сурет сызып, шар үрлеп, би-билеп жүрген періштелердің арасына қалай кіріп кеткенімді байқамай да қалдым. Менің де бала болып ойнағым келіп кетті.

Кенет құлағымда «Жігіттер» тобының орындауындағы мына бір әуен ойнап сала берді. Әнді бұрында тыңдап жүретінмін, бірақ дәл сол сәтте өзгеше күйге түстім. Уайым-қайғысыз, бақытты болып ойнап жүрген балапандарға қарадым да, көзіме еріксіз жас алып, алаңды тастап жүгіріп кете бардым. Шыны керек, кірерге тесік таппадым.

Кімге ұқсатам, білмеймін қандайымды

Мама, кеп бір иіскеші маңдайымды

Ақ уызға толмаған таңдайымды

Толтырайын айтумен жағдайымды!

 

Мама, енде сені табу қиындайды

Ойласам көзден жасым тиылмайды.

Алатауым - жұпарым арман болып

Туған жерім, топырағым бұйырмайды.

 

Мама!

Түсекендеймін аңдардың арасына

Мен жат па едім қазақтың баласына!?

Мама!

Пайғамбар жоқ алатын панасына

Мен осыншама азапқа саласың ба!?...

Иәәә, менің атйпағым жаутаңдаған жанарлары жасқа толы жетімдер үйіндегі сәбилер емес

 

Өткен-кеткенге қолын жайып, қайыр тілген бала да емес

Көшеде қараусыз қалып, "тастанды бала" атанған шарана да емес

Өз елінен мыңдаған шақырым жерде, асқар-асқар таулардың , терең-терең теңіздердің ар шетінде анасын аңсап күтіп жүрген қазақтың қара домалақ балалары жайлы еді... Шет елге сатылған бейкүнә шаранарлар еді...

Естуімше, бүгінде Қазақстан шет елге бала сату жөнінен  әлем бойынша үшінші орында тұрған көрінеді. Соңғы 20 жылда 10мыңнан аса шарананы шет ел асырған. Сұмдық-ай, тіпті 1,5 млрд халқы бар Қытайдың өзін артқа тастаған!

­Өмірге енді келген қызылшақа шараналар тағдыр соқпағын басқа елден көруге мәжбүр. Сонда олардың адами құқығымен санасып жатқан кім бар? Кеудесінде шыбын жаны бар демесеңіз, сатып алып, сөмкеге салып әкете беретін әлдебір тауар дерсің.

Еліміздегі жетім балалардың проблемасы жоқ деп айтып отырған ешкім жоқ. Олардың жағдайы мәз емес, олардың да проблемалары бар. Бірақ, мәселені оларды шет елдіктерге сатумен шешкеніміз қалай?!

Ертең олар сол ортада жүріп ес біледі, айналасына  қарайды. Өзіне ұқсайтын қара көзді, өз тілінде сөйлейтін ешкім жоқ. Айналасы қаптаған жауыздар. Ешкімді түсінбейді. Сол сәттегі оның күйін бір сәт көз алдыңызға елестетіңізші! «Мама, неге маған бұлай еттің? Мейлі мен саған керек емес екенмін, меннен безінеді екенсің, тым болмаса өз жұртымда,өз топырағымда қалдырмадың ба? Ит құрлы болмағаным ба?-деген сәбидің жан айқайын құлағыңызға бір сәт әкеліп көріңізші!Өзінің кім екенін, әке-шешесі қандай адам, қай елдің топырағынан шыққан, ата-бабасын, әсіресе жеті атасын білмей өмір сүру деген қандай қиын?

Бұл ұрпағымыз ертеңгі күні біздерге «бізді бөгде елге аттандырғанда қайда қарап тұрдыңдар?» деп, сұраса не дейміз? Олардың жүректеріндегі жара өшпес өшпенділікке , кетпес кекке айналып, ертеңгі күні өз елінің қас дұшпанына айналмасына кім кепіл?!

Америкалықтар соншалықты жетімдерге жанашыр болса, олар алдымен өздері жетім еткен Ирактағы 3 миллион сәбидің ақысын өтесін! Кім білсін, сатып әкеткен перзентті шынымен өз ұрпағындай өсіре ме, әлде басқа мақсаттарына пайдалана ма? Ойлаудың өзі қорқынышты!

Айналдырған 16-ақ миллион халқы бар Қазақстан ат төбеліндей ғана жетімін баға алмай, шетелдіктерге, миссионерлерге сатып жатыр дегенді өз басым ұлттық тарихымыздағы ең ауыр сорақылық, кешірілмес күнә деп бағалаймын. Бар нәрсе өз қолымызда емес пе? Сіз болып, біз болып, «Шет  елге бала сатылмасын!» деген заңды бекітсек болғаны!

"Балам-бағым, балам-болашағым" дейді дана қазақ. Мұхит асып кеткен көгенкөздеріміздің арасында келешекте ұлы барыс елінің тұтқасын ұстар Ахметтер мен Ілиястардың, Сәкендер мен Мағжандардың шықпасына кім кепіл!? Сондықтан да періштедей бейкүнә сәбилерімзге  қамқорлық көрсетіп, махаббатымызға шомылдырудан шаршамайық! Жетімдерімізді жылатпайық, ағайын!

16
Рейтинг: +5

Жазылған уақыты: 01 маусым 2012, 11:53
Тегтер: шет елге бала сату

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.