Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / "МУЗАРТ" тобымен қалай кездестім?

"МУЗАРТ" тобымен қалай кездестім?

Қостанайға Музарт келеді деген хабарландыруларды ести сала билет алуға асықтым. 13-14 мамырға жоспарланған екі концерттің алғашқысына билет алып үлгердім әйтеуір. 20 күн бұрын алынған билеттің концертін ал кеп күт енді. Сонымен, көптен күткен күн де жетті- ау, ақыры.

Қостанай облыстық филармониясының сахнасын «Қазақ елі» әнімен ашқан Музарт тобын халық ерекше ықыласпен қарсы алды. Концертте халыққа кең танымал және соңғы жаздырған «Аққайың бүршік жарғанда», «Аққайың», «Рахмет, туған ел» әндерімен қоса барлығы 30-ға жуық әндер орындалды. Топ әншілері жеке орындауда да әндерін орындады. Әсіресе, Сәкен ағаның орындауындағы «Арайлым» және  Мейрамбек ағаның орындауындағы «Оранды өзіңді ойлап жан алауға, Сан қырды сағынышым аралауда» деп басталатын әндерін ерекше тебіренбей тыңдау мүмкін емес еді.

Ән арасында Сәкен аға: «Қостанай барлық қаладан озып тұр, екі концерт жоспарлап, халықтың сұрауымен қосымша тағы үш концерт қоятын болдық»  деп, көрермендердің қошеметіне, ұсынған гүл шоқтарына алғысын білдірді. Ал Мейрамбек аға: «Сәкен Қостанайға келерде менің қайын-жұртым әнші деп сіздерді мақтап еді. Олай болса әнді бірге айтайық» деп, «Есіңе ал», «Анаға сәлем», «Сағындым Алматымды» әндерінің қайырмасын залдағы көрермендерге айтқызды. Жиналған халық Сәкен ағаның үмітін ақтап, әнді әдемі айтып шықты.

Екі сағатқа созылған кештің соңында «Өз елім» әні орындалғанда Музартқа риза болған көрермен қауым орындарынан тұрып, әнді қосыла шырқады. Сөйтіп, бір ай күткен Музарттың концерті тез бітіп қалғандай болды. Ал олармен суретке түсіп, қолтаңба алу деген тіпті де мүмкін болмады. Филармониядан шыға беріп, кассадан басқа күнгі концерттерге билет сұрап едім, барлық билеттердің сатылып кеткенін айтты.

2-3 жылда бір келетін Музартпен суретке түсіп, қолтаңба алу мүмкіндігін жіберіп алмайын деп келесі күні тағы бардым. Бұл жолы концерт бітті-ау деген уақытта филармонияның сырт жағында мен сияқты тағы бірнеше адамдар тұр едік, әнші ағаларымыз машинаға мініп кетті де қалды. Жанымда тұрғандар да өз жөндеріне кетті, ал мен болсам алған бетімнен қайтпай Музарт тоқтаған қонақүйге тарттым)) Қонақүйдің жанына жеткеніммен «Мені администрация кіргізе ме, әлде мынау бір жынды қыз екен деп кіргізбей қоя ма?» деп ойым сан-сақта тұрғанымда инструментте ойнайтын бір топ Музарттық ағалар ды көріп қалдым. «Мұндай мүмкіндікті жіберіп алмауым керек» деп оларға қарсы тұра жүгіріппін. Бас гитарада тұратын Ерлан ағаны тоқтатып алып: «Аға, тоқтаңызшы, мен Музарт тобының жанкүйері едім. Олармен суретке түсіп, қолтаңба алуға келдім» деп айтып жатырмын. Ағалар да түсінді-ау деймін, қонақүйдің холлында күте тұруымды айтты. Қонақүйге кіріп, холлдағы дивандардың бірінде отыр едім, бір кезде Сәкен аға шығып, «Қалың қалай, қарындасым?» деп әдеттегі салмақты қалпымен қарсы алды. «Аға, кешегі концертті көрдім. Керемет болды. Сіздермен кездесу мүмкін болмаған соң, осында келдім. Мазаласам, айып етпеңіздер» деп кешірім сұрап, суретке түсіп, қолтаңба беруін өтіндім. Жанымызға Кенжебек аға мен гитарада ойнайтын Ерлан аға да келді. Мейрамбек ағаны көре алмадым. Барлығымен суретке түсіп, бір ауыз тілектері жазылған қолтаңбаларын алған соң, әнші ағаларыма шексіз алғысымды білдіріп, олардың берген ақ раушан гүлдерін құшақтап, керемет көңіл-күймен үйге қайттым.

Ал мынау суреттерім:

 

Міне, осылай Музарт тобы 13-14-15 мамыр күндері Қостанай сахнасында барлығы бес концерт қойып, өз тыңдармандарына біазға дейін айтып жүрер ерекше кеш сыйлады.

5250 32
Рейтинг: +8

Жазылған уақыты: 18 мамыр 2012, 10:02
Тегтер: Музарт, концерт, Қостанай
Пікірлер
+0
18 мамыр 2012, 11:31

Арай Жарайсың! Сен батыл қыз екенсің ғой! Ойындағыны орындамай, көңілі көншімейтін қыздырды жақсы көремін. :!: Мен Өзім де кейде көз жұмып, тәуекелге бел буып, батылдыққа баратын кездерім болады. :D

+0
18 мамыр 2012, 11:35

Рахмет, Наз! Кей кезде сөйтіп батыл болып кететін болыппын. :)

+0
18 мамыр 2012, 11:46

Жаңа саған шабыттанып пікір жазып отырып, ішіп отырған шайыма қолым тиіп кетті де, ақтарыла төгілді! Өзіме,"әне саған, көзсіз батылдық!"-деп бір күліп алдым. :D

+0
18 мамыр 2012, 11:52

Үстелдегі қағаздарың бүлініп қалған жоқ па өзі?

+0
18 мамыр 2012, 11:56

Жоқ, үлгердім! :P Негізі үстелімнің үстінде қағаздарды көп қоймаймын, бірақ бір жаңа кітап тұр еді, оны көтеріп үлгердім. Киіміме де тигізбей тұрып кеттім :mrgreen:

+0
18 мамыр 2012, 12:01

обшым,шәй төгілмеді дей салсаңшы)))

+0
18 мамыр 2012, 12:01

Міне, шапшаңдық десей))

+0
18 мамыр 2012, 11:33

Әдетте, әншілерге гүл беруші еді, бұл жолы әншілер гүл беріпті ғой :lol: Жарайсың! Алған бетіңнен қайтпау керек осылай.

+0
18 мамыр 2012, 11:59

Иә, бұрынғы бр концерттерінде Мейрамбек ағадан гүл алғам)))

+0
18 мамыр 2012, 11:34

Сәкен мен Кенжебектің сенің көңіліңді қалдырмай, оған көмектескен Ерлан ағаға ырза болып отырмын. Мейрамбек неге шыға алмады екен?-деген ой мазалап отыр. :?

+0
18 мамыр 2012, 11:36

Мен холлда күтіп отырғанда Мейрамбек аға продюссермен бірге далаға шығып кетті. "Аға, тоқтай тұрыңызшы" деп айтып үлгіре алмай қалдым))

+0
18 мамыр 2012, 11:51

Ааа, бәсе ;)

+0
18 мамыр 2012, 11:37

Қаншалықты халықтың ықыласына бөленіп, жұлдыз атанып жатса да, қарапайым қалыптарынан танбайтыны ұнайды.

+0
18 мамыр 2012, 11:50

Мына жерде сөзді толық жазбаппын, негізі: "көңіліңді қалдырмай - қолтаңба бергеніне, сені ырза етіп - гүл сыйлағанына, Ерлан ағаның сөзіңді жерге қалдырмай көмектескеніне" риза болып отырмын. :)

+0
18 мамыр 2012, 11:42

күшті. Музартың тілегі қабыл болсын Арай

+0
18 мамыр 2012, 11:59

Сакен семірібапты ғо :lol:

+0
18 мамыр 2012, 12:15

Мә, күшті!!!!

+0
18 мамыр 2012, 13:42

Күштііі ғой, жарайсың! ;)

+0
18 мамыр 2012, 13:51

Рахмет. Бәрі де Музарттың тамаша әндерінің әсері ғой)

+0
18 мамыр 2012, 16:28

Жарайсың, Арай! Менде мұндай табандылық жоқ. Музарттық ағаларға да ризамын! Жарайсыздар!

+0
18 мамыр 2012, 17:35

Рахмет, Анар!

+0
18 мамыр 2012, 16:32

әдемі екен қолтаңба

+0
18 мамыр 2012, 17:37

Жақсы адамдардың қолтаңбасы да әдемі болады ғой))

+0
18 мамыр 2012, 18:39

Мяя, Арайка, жарайсың! :) Бұлай жасау қолымнан келмес еді. Риза болып отырмын саған! Баяғыда осыдан бірнеше жыл бұрын универімізге МузАРТ тобымен кездесу болған. Кештің соңында қолтаңба аламыз деп сыртқы есікте күтіп тұрсақ қосалқы есіктен шығып кетіпті олар. Содан санымызды соғып қалғанымыз бар. :)

+0
18 мамыр 2012, 21:09

охо жарайсыз! мен Сакен ағаны сүйіп тындаймын :!:

+0
18 мамыр 2012, 21:14

Арай, алған бетіңнен қайтпайды екенсің. МузАрттан да, сенен де айналдым )

+0
19 мамыр 2012, 17:45

күштібоп түсіп қалыпсың! Мейрембектің болмағаны өкінішті екен. Бір арманың орындалып, мәәәәәз боп жүрген шығарсың ))) Жазбаңа +++

+0
21 мамыр 2012, 16:23

Рахмет, Нұржан көке! Мәәәәз болғанда айтпаңыз))

+0
21 мамыр 2012, 10:36

Ой жарайсын, Арайлым! Тамаша, сен ушин оте куаныштымын! Менде осындай сатти асыга кутип журмин! Окып отырып, керемет асер алдым!

+0
22 мамыр 2012, 11:42

жарайсың! Концертке мен де барғым келіп жүр

+0
24 мамыр 2012, 16:51

Жарайсың АРАЙ!!!! Тамаша! Бізде Таразға келгенде 2 ші күні арең дегенде кездескенбіз! Дал сен сияқты! Енді Алматыда күтіп жүрміз))))

+0
21 тамыз 2012, 19:26

МузАртаан алган колтанбамды али кунге дейин альбомымда сактап келем! Сооонааау 2004 жыл еди алгашыкы кездесуимиз....)))

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев