Оқи отырыңыз

Мойындағы борышты білу – білімнің ісі, борышты төлеу – адамшылық ісі

Автор: Ахмет Байтұрсынұлы

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Ән бе... Айқай ма?...

Ән бе... Айқай ма?...

Ән бе... Айқай ма?...

 «Әу демейтін қазақ жоқ» - деп бүгінгі таңда сахнаға шығып ән айтып,  тіпті бір айда бірнеше бейнебаянның тұсауын кесіп, әнші атанып жүрген жандар жетерлік. Дауысы жоқ ақшасы бар, көркі жоқ бірақ, қымбат киімі бар өздерін әншіміз дейтіндер қоғамда шашетектен. Дана Абайдың:

Құр айқай бақырған,

Құлаққа ән бе екен?  

Өнерсіз шатылған.

Кісіге сән бе екен? – деген өлеңі ақшаның көмегімен әнші болып жүргендерге айтылса керек сірә.  Өйткені жасыратыны жоқ, қазірде  құр айқайы бар  кей әншілердің түсіріп жүрген бейнебаяндары ұлттық  болмысымызға да мүлде жат.  Осы күнге дейін 10-ға жуық бейнебаян түсіріп үлгерген Жігіттер квартетінің әншілері де бүгінде эфирлерден көрсетіліп жүрген бейнебаяндарға көңілдеріміз толмайды дейді. Қазақ эстрадасында өзіндік ерекше орны бар бұл жігіттер жас әншілердің батысқа еліктеушілігі жиілеп баратынын айтады.  Бейнебаян түсіру заман талабы. Сол арқылы көп әншілердің атаққа қолы жетіп жатады. Бірақ сол бейнебаянды табиғаты тамаша өз жерімізде емес, шет елге барып түсіру үрдісі бүгінде жиілеп барады. Отанымыздың көрікті мекендерінен қарағанда өзгелердің тау-тасын, көл-жағалауларын артық санайтын әншілердің бәлкім тыңдармандарды жаулау тәсілі осылай шығар. Кім білсін?  Десек те «Жігіттер» квартеті енді өз бейнебаяндарын Ташкент қаласында емес, өз елімізде түсіреміз деп отыр. Бейнебаян демекші, бір қызығы бүгінде қазақ эстрадасынан ойып тұрып орын алған әнші Саят Медуов әлі күнге дейін бейнебаян түсірмеген. Оны елге танытқан ерекше орындаушылығы мен сәтті таңдалған әндері. Саят Медеуов бейнебаянға қаржы құртқанша сол ақшаны ән кешін өткізуге жұмсағанды әлдеқайды дұрыс көретін әнші. «Музыка мен ақындық сөз бір-бірімен жымдаса отырып, жүрекке жылы, ұнамды бірлік жасайды» - дейді ойшылдар. Ән тыңдағанда құлақтың құрышы қануы үшін әншілерге әннің сөзіне де аса мән берген жөн. Өйткені «ән адам жанын жарқындатып жалындатуға тиіс» - дейді Бетховен. Жанымыздың жалындауы үшін тыңдап отырған әннің сөздері де жалынды болуы керек.  Әншінің өзге әншілерден өзіндік дауысы мен киім кию ерекшелігі болуы шарт. Бірақ сол киім ерекшелігі бүгінде мүлде бөлек. Өзге елдің сән үлгісін қазақ сахнасына алып шығып, жастардың санасын улауда. Бұл бүгінгі эстраданың ащы шындығы. Сахнаға шыға салысымен халық жүрегінен орын алған әнші Алтынай Жорабаеваға бүгінгі таңда еліктейтін жас әншілер көп. Бірақ, Алтынай ізін басып келе жатқан кей әнші сіңілілеріне көңілі тола бермейтінін айтады. Ерің ғана көруі тиіс жерлерді елге көрсетудің қажеті жоқ. Әсем дауысты әншіні халық өзі-ақ даралап алады дейді.  Не істесек те ел мүддесін естен шығармағанымыз жөн. Ең бастысы, ендігі жерде мағыналы сөзі бар жағымды әнге ұлттық болмысымызға сай бейнебаян түсіретін әншілердің саны артса құба-құп.

2277 10
Рейтинг: +0

Автор: Berik Sultan
Жазылған уақыты: 10 мамыр 2012, 18:28
Тегтер: әншілер азайды...
Пікірлер
+0
10 мамыр 2012, 19:58

бес саусақ бірдей емес, сондықтан, объективті ойлайық ;)

+0
10 мамыр 2012, 20:27

Барлығына қатысты емес екені постта да жазылды... 8-)

+0
10 мамыр 2012, 20:12

Сол Жігіттер квартеті өздері дені дұрыс клип түсіріп алсыншы бірінші. Әбден көрерменнің талғамын құртып, ортанқол дүниені жақсы дейтіндей етті. Оданша сәнденіп, фигураларын шығарып, жас жеткіншектерді сәнді киінуге, мәдениетке, өнерге баулымай ма?! Клипсіз-ақ танылдым дегенше, тойға барып танылдым демей ме. Клип түсірмей, киіп тікпей, ыңылдап ән айтуды бәрі де біледі.

+0
10 мамыр 2012, 20:24

:lol: Демек сенің де мен сияқты эстраданың кей өнерпаздарына көңілің толмайды екен :roll:

+0
10 мамыр 2012, 21:51

көңілдеріңіз толмаса көрмеңіздер,тыңдамаңыздар!сіздерді ешкім қинап тыңдатпайды ғой.кейбір адамдар өзі ән айтқысы келеді,бірақ айта алмайды сол себепті кейбір әнші бауырларымызды көре алмайды

+0
11 мамыр 2012, 00:16

орынсыз жазылыпты пікірің... немесе не жазғанымды түсінбегенсің... :roll:

+0
11 мамыр 2012, 09:07

Көпке топырақ шашудың қажеті жоқ. Кезінде әр аптада бір жаңа клип шығаратын әнші-сымақтарымыз болған. Қазір қайда солар?! "Жігіттердің" өнерін жоғары бағалаймын, тек бейнебаяндары керемет деп айта алмаймын. "Балқадиша" клипінен басқалары аса ұнамайды маған. Жорабаева Алтынай ханымның қандай керемет клипі бар екен?! Астананы екі айналып, су жағасында тұрып, қызыл халат киіп түскен клиптерінен басқа тағы қандай клип түсіріпті?! Мен Саят ағаны қолдаймн. Қателеспесем, ол кісінің бірде бір бейнебаяны жоқ. Ал халық сүйіп тыңдайды. Той болсын, концерт болсын Саятты үлкен қошеметпен қарсы алады. Роза Әлқожаның бірнеше бейнебаяндары бар, бірақ ротацияда көп бола бермейді. Соның өзінде халық оны сүйіп тыңдайды.

+0
11 мамыр 2012, 09:51

Саят Медеуов мен үшін әнші емес, орындаушы ғана. Әншімен деу үшін профессионал болу керек. Бізде консерватория түгіл, музыкалық мектепте оқымай-ақ "жұлдыз" боп жүргендер көп(((.
Талғамға талас жоқ десек те, "Жігіттердің" заманы аяқталған секілді. Алдыңғы жылдары "МузАрт"тан кейінгі екінші бойзбендіміз, енді көштің соңында қалғандай. Өйткені, шығармашылықтары той-домалқтан аспайды. Ішіп-жеп отырған, онсыз ақ көңіл күйі көтеріңкі жұртқа көп керек емес, сол баяғы "тойға арналған хиттер" болса болды.
Басқа деңгейге шығу керек деп ойлаймын біздің эстрада. "Алдаспан" секілді рок стилі де, Орданың жасап жатқан соңғы жұмыстары да қазақ музыкасының жаңа бір толқыны деуге келеді!!!!

+0
11 мамыр 2012, 10:12

Клипке шамалы ғана ақша жұмсап,пайда тапқысы келгендіктен клиптер сәтсіз шығып жатады. Клип жағынан "Ұлытау" алдын бере қоймас елімізде.
"Бұрында дауысы бар адам әнші болса, қазір аузы бардың бәрі әнші" деген сөздің шындыққа жанасатын сәті көп. Еліктеушілікті құрту керек біздегі. Талғамымыз тым төмендеп кетті. Өздері ән жазып, өздері сөз жазатындардан аластату керек сахнаны.аану, Асан пердешовке "Кет, жоғал, құры" деп айтатын адам жоқ па? Көп ондайлар.Жылауық әншілерді жазалау керек.Қатаң.

+0
14 мамыр 2012, 14:08

Құры айқайлап жүрген әншілер баршылық. Бірақ клип түсірмей, танымал боламын дегенді түсінбеймін. "Бейнебаянға қаржы құртқанша сол ақшаны ән кешін өткізуге жұмсағанды тәуір көретіндерден" жылына қанша концерт өткізесіз деп сұрағым келіп кетеді.
Клип түсіру керек. Онда да жақсы клип түсіру керек. Өткенде біреудің сұхбатын көрген едім теледидардан. Кім екенін ұмытып қалып тұрмын. Қазір "Өзбекстанда клип түсірмейтін болды, өйткені сапасы қандай екені клипті көрмей-ақ белгілі болады" деген пікірлер айтқан. Бұның қаншалықты рас екенін білмеймін. Бірақ сапасыз клиптер көп.
Айтқандай, "Орда" тобының киноның саундтрегіне ("Ғашықсың ба?") түсірген клипі жүріп жатыр қазір. Ұнады. Әсіресе, көлеңкемен "ойнағаны" күшті шығыпты. Жалпы, клипке қарап отырып, біреуге ұқсатқанмын. Артынан есіме түсті ғой, "big bang" тобына ұқсатқан екенмін. Еліктеушілік пе, білмейм. Бірақ қалай болғанда да жақсы дүние жасапты.
Ал, ұнамаса көрме деген пікірлер дұыс емес. Өйткені бәрін халық үшін, көрермен үшін жасайды. (әрине, арғы түбінде өзі үшін, қалтасы үшін ғой). Бірақ соңында көретін біз болған соң, жақсы дүние көргің келеді.
көп жазып кеттім да. Доғарайын. :D

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев