Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / кітап, кітап және кітап....

кітап, кітап және кітап....

кітап, кітап және кітап....

Бүгін дүниежүзілік кітап күні. Барша адамзат бұл күні кітапқа деген сезімінің қаншалықты зор екенін білдіруге тырысады. Бұл күн Петропавл қаласында да қызықты іс-шаралармен аталды. Облыстық кітапханада жаңа кітаптардың көрмесі өтті. Қаланың зиялы қауымы бір адамдай қызықты кітаптарды өздерінің оқылуы тиіс кітаптар тізіміне енгізіп жатты. Менде бұл көрмеге 1-2 минутқа кіріп шықтым. Айтарлықтай қызықты кітаптар таппасамда, арасынан іліп аларлық кітаптар бар екен. Бірақ "әңгіме ол жайлы емес дейім бе?" Болат Мұхтар сияқты.  Кітапқа деген құмарлығым қашан оянғанын білмеймін. Бірақ интернатта оқып жүргенімде іш пысқаннан ба, білмеймін. Әйтеуір мектептің кітапханасынан шықпайтынмын. Тіпт бір күні Л.Н.Толстойдың Ресей елі, Русь болып тұрған заманда басылып шыққан ескііі күнделігін тауып алғаным есімде. Жалпы айтқанда біздің қазақ интернат, совет үкіметі кезінде жалғыз қазақ мектебі болғандықтан(анықтама ретінде. Бұл мектептен атақты режиссер Аяған Шәжімбаев,ақын Зейнолла Әкімжанов, ТЮЗ әртісі Күнсұлу Шаяхметова және т.б. оқып білім алды), кітапхана да ол кезде облыстағы әртүрлі әдебиетке бай жалғыз кітапхана саналған екен. Сондықтан да ол кітапханадан неше түрлі қызық кітаптарды тауып алуға болатын. Одан бері қаншама уақыт өтті. Бірақ кітапқа деген сүйіспеншілігім әлі күнге дейін ортаймады. Қала көшелерінде ескі-құсқы кітаптарды сатып тұратын саудагерлерден бір кітап сатып алмасам кетпейтін әдетім бар. Кей кездері үлкен соммалы ақшаға сатып алынған кітаптарды парақтап қойғаным болмаса,  тіпті түгелдей оқып та шықпайтын кездерім болды. Дегенмен әлі күнге дейін кітаптарды сатып алу әдетімнен таңбадым. "Ауру қалса да, әдет қалмайды" деуші ме еді?Төменде сатып алынған кейбір кітаптарымның (жұмысқа асығып бара жатқанымда түсіріп үлгерген) суреттерін ұсынамын. кітапБұл кітап, "Келін" фильмнің режиссері Ермек Тұсыновтың Бейбарыс сұлтан жайлы жазған кітабы. Екібастұздағы мелломаннан қателеспесем 4мың теңгеге сатып алдым ғой дейім.

кітапБұл кітапты қырғыз режиссері Болатбек Шамшиевтің маған берген кеңесінен кейін оқыдым. Атақты режиссер жаңылыспапты, шынымен өте қызық кітап болып шықты.

кітапБұл кітапты барлықтарыңыз танитын шығарсыздар. Баянауылдың Қаныш Сатпаев дүниеге келген ауылда қонақта болғанымызда, үйдің иесі кітап сөрелерінен осы кітапқа "қызыыыға" қарап тұрғанымды сезген болар. "Осы жазушының жерлесі екенсің. Мә, ала ғой" дегені бар ма? Ақыры маған сыйға берді. Мен қуанып қалдым.

кітапАлматының бір көшесінде осы кітапты сатып тұр екен. Студентпін. Шәкірт ақым бар болғаны 11мың теңге,іздеп жүрген кітабымді енді кезіктірмеспін деп 6 мың теңгеге сатып алдым.

кітапҰстазымның кітабы болғасын емес, қазақ киносы жайында жазылған санаулы кітаптардың бірі болған соң студент кезімде бұны да сатып алдым.

кітапБұл кітапты 10-сыныпта оқығанмын. Сонда қызық көрінген.Жатақханадағы құрбыма берген ем, қайтіп маған оралмады бұл кітап. Іздеп жүріп, бұл кітапты осы жылы Петропавл қаласынан таптым.

кітапАлаш тұлғалары жайында жазылған бұл кітапты, тіл конкурсында комиссияның мүшесі болғанда сыйға тартқан. Бұ да құнды.

кітапБұл жапондық режиссердің фильмдерін көрген боларсыздар. Кітапты қазыр жұмыстан кейін шаршағынымды басу үшін оқып жүрмін. Телеканал, кино, сурет өнерін кәсіби деңгейде оқымаса да, бірақ осы саланың майталманы болған осы тұлғаға таңырқай қараймын. Жыл бойына бір минутта демалуды білмеймін дейді кітабында. Шыныменде солай. Осы кітаптың бір бетін оқыған сайын "мен бүгін не істедім?"деген ойға қаламын. Осы кісінің бір күндік ісін менікімен салыстыра келгенде "0" болып тұрамын. Сонда уақыттың зая кеткеніне жаным ашиды.

кітапТарковскийді бірі білсе, бірі біле бермейді. Туындыларын бір көргеннен түсіндім десем өтірік айтар едім. Бірақ мына кітапты оқығаннан кейін режиссердің жан дүниесін түсінуге тырыстым. 

Сотканың фотоапараттарына түсіріп үлгерген кітаптарым осы. Жеке кітапханамдағы кітаптардың барлығын оқымасам да, кітаптарды жинауды жақсы көремін. Петропавл еліміздің солтүстігінде орналасқандықтан көптеген кітаптарды сатып алу мүмкін емес. Дегенмен қалада жаңадан ашылған мелломан дүкені бұл олқылықтың орнын толтырады деген үміттемін. 6 томдық "Қылмыс" деген кітапты қазіргі таңда іздеп жүрмін. Сатып алғым келіп жүр. Бірақ ол кітап қаламызда жоқ болып шықты. Өкінішті.... 

9611 18
Рейтинг: +2

Жазылған уақыты: 23 сәуір 2012, 14:58
Тегтер: кітап
Пікірлер
+0
23 сәуір 2012, 16:34

Менің үйіме келіп түсіріп кеттіңіз бе деп қалдым ғой)))) Кітапты мен де жақсы көремін. Шетелге кетіп бара жатқандарға, міндетті түрде, маған сол елдің бір кітабын әкеп беруіне қолқа саламын.

+0
23 сәуір 2012, 17:07

:) Иә, ол да мүмкін Ғазиза Ұзақ. ;) Қазіргі таңда кітап оқымайтын азаматтар қатары көбейіп келеді деген жауыр сөздің орын алуына негіз жоқ деп есептеймін. Себебі қай кітапты іздемесем де, "болды бірақ алып кетті" дегенді көп еститін болдым. Соған қарағанда кітаптың дәурені ешқашан бітпейді

+0
23 сәуір 2012, 16:36

мда, кітап деген жақсы ғой)))))

+0
23 сәуір 2012, 16:58

Кітапты менде жақсы көремін. Шарбану Нұрбанованың кітаптарын іздеп таба алмай жүрмін шығыстың кітапханаларынан

+0
23 сәуір 2012, 17:15

Кітап - менің махаббатым! Оны оқу, тоқу сүйікті ісім!

+0
23 сәуір 2012, 17:19

Соңғы екі кітабыңыз мені қызықтырып тұр. Іздеп көрмесем...

+0
23 сәуір 2012, 17:22

Такеши Китано туралы кітапты мелломаннан іздеп көріңіз, сонда болуы тиіс, Ал тарковскийдің кітабын жаңылыспасам көшедегі саудагерден сатып алдым ау дейім..

+0
23 сәуір 2012, 17:20

Кітапты жақсы көретін массагеттіктер, жеке кітапханаларыңыздағы кітаптарыңыз жайлы массагетте жарияласаңыздар, кітапсүйер қауым мәре-сәре болып қалар деп ойлаймын.

+0
23 сәуір 2012, 17:25

Қ. Шабданұлының "Қылмыс" романының электронды нұсқасы бар. Іздеп көріңіз. Өте мұңды, ащы тағдыр бейнеленеді. "Қылмысқа" бір топ зиялы қауым жиналып, марапат та берді ғой бір кездері. Меніңше, қазіргі кездің шоқтығы биік туындысы - осы "Қылмыс" -ау...Ал жоғарыдағы кітаптардың ішінен М.Шаханов пен Ш.Айтматовтың кітабында көп жері қателеспесем, екі арыстың диалогі түрінде беріледі емес пе? Негізі кітапқа бауыр басу деген болады. Күн сайын жастығыңның асты мен сөмкеңнің ішінен табылатын кітап бір жақын адамыңдай болып кетеді ) Өзім кейінгі кездері шетел әдебиетін көптеп оқып жүрмін. Сосын қазіргі заман шығармаларын...Байқасақ, ежелгі әдебиет пен қазіргі әдебиеттің айырмашылығы таудай...

+0
23 сәуір 2012, 17:31

Иа, М.Шаханов пен Ш. Айтматовтың кітабы дәл сіз айтқандай. Диалог ретінде жазылған. Өте қызықты. "Қылмыс" романының электронды нұсқасы барын білмеппін. Кеңесіңізге рахмет.

+0
23 сәуір 2012, 18:29

бірде-біреуін оқымаппын((( Ортасынан, анау Шаханов ағамыздан бастап оқып шықпасам!!!

+0
23 сәуір 2012, 18:32

калын кітаптар бар, жұқа кітаптар бар, көрінетін кітаптар бар, көрінбейтін кітаптар бар соның ішінде сүйіп оқитын кітабым "Әліппе" -деп Нысана әзілкештері айтушеді бір қойылымында. Әрине кітап оқыған қандай жақсы дегенмен ауылда кітап сататын ешқандай сату орындары болмағандықтан, осы күнге дейін кітап жинамаппын. Кызығып жатқан жайым бар сендерге :) .

+0
23 сәуір 2012, 22:55

Үйдегі кітаптарымызды көрсеткеннен еш пайда болмас, кітаптардың электронды нұсқалары болса, сілтемелерін көрсетіп, жаза отырайық. Мүмкін, біреулердің өз компьютерлерінде болар, кітап алмасып отырсақ үлкен пайда ғой.

+0
24 сәуір 2012, 12:27

мм...онынызда дұрыс екен. Бірақ электронды нұсқадан гөрі кітаптың иісін сезіп, қолға ұстап оқығанды құп көремін. Ескі кітаптан ескіліктің, жаңа кітаптан соңғы заманнын лебі есіп тұрғанды қалаймын. Ал электронды нұсқа жақсы ғой, бірақ оны ой елігіңнен өткізгеніңмен қолға ұстай алмайсың өкінішке орай.

+0
24 сәуір 2012, 14:19

Дұрыс айтасың, Электронды нұсқасы кітапты қолыңа ұстап оқығандай әсер бермейді. Кітапхана сөрелеріндегі ескі кітаптардың иісін сезсем балалық шағым есіме түседі.

+0
24 сәуір 2012, 04:52

Тарковский ашық суретттемелерге ұмтылғанымен астарлы дүниенің қатпарында тұншыққан, талантына табынушылар мен көлденең жолыққан сапарласты құпиясы мол тылсым әлемге бағыттап қарапайым ғана жауапқа жол нұсқаған.

+0
24 сәуір 2012, 09:57

Мен соңғы 1-2жылда мүлдем кітап оқымайтын болып кеттім. Соны ойласам, өзімнен өзім ұяламын. :oops: :oops:

+0
24 сәуір 2012, 10:25

Кітапты жақсы көруің көресің ғой, бірақ оны оқуға уақыт таба бермейсің! Оның үстіне соңғы кездері оқығандарымды тез ұмытып қалатын болыппын!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев