Оқи отырыңыз

Мойындағы борышты білу – білімнің ісі, борышты төлеу – адамшылық ісі

Автор: Ахмет Байтұрсынұлы

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Ғаламтор саудасы: Төлем карта шығаратын банкіні таңдау

Ғаламтор саудасы: Төлем карта шығаратын банкіні таңдау

Ғаламтор саудасы: Төлем карта шығаратын банкіні таңдау

Банк таңдағаным туралы

Өзіме керек картаның түрін анықтап алған соң сол картаны шығаратын банкіні таңдауға кірістім. Алдымен өзім жарнамалардан білетін банктердің тізімін жасап, олар туралы қосымша мәліметтерді Қазақстан Республикасы Ұлттық Банкінің Қаржы нарығын және қаржы ұйымдарын бақылау мен қадағалау комитетінің сайтынан (www.afn.kz) қарап алдым. Жақсы сайт, бірақ терең сараптама жасау үшін экономика мен қаржы жағынан сауатты болуың керек екен.

Тізім бойынша банкілердің сайттарына кіріп, төлем карталары туралы беттерін оқып, бағалары мен шарттарын өзіме түртіп алдым. Ең басты назар аударғаным мына жәйттар болды:

- картаны шығару мен бір жылғы сүйемелдеуі үшін алынатын сыйақы;

- карта шотына ақша салғандағы алынатын сыйақы;

- картадан ғаламторда ақша жұмсалғанда алынатын сыйақы;

- интернет-банкинг, яғни үйде отырып-ақ карт-шотымды тексеру мүмкіндігі;

- банк бөлімшесінің үйіме жақындығы (бұған ерекше көңіл бөлдім).

Осы ізденістерімнің нәтижесінде мына төмендегідей мәліметтерді жинап алдым. Алғашында тізімімде тоғыз банк болатын, бірақ Kaspi bank (www.kaspibank.kz) пен Еуразиялық банк (www.eurasian-bank.kz) қазіргі кезде виртуалды карталарды шығармайтын көрінеді, әйтеуір сайттарында ол туралы еш мәлімет жоқ. Сондықтан оларды виртуалды карталарға арналған тізімімнен алып тастауға мәжбүр болдым. Бірақ қалған жеті банкі де таңдау жасауға жеткілікті деп ойлаймын. Банкілерді алфавит бойынша тізіп қойдым.

 

Альянс Банк

Альянс Банкі

www.alb.kz

Карта түрі: VISA Virtuon

Бір жылдық құны: 1500 тенге

Ақша салу: тегін

Ақша жұмсау: тегін

Интернет-банкингі: www.alb24.kz

Алшақтығы: Жаяу 3-4 минут

 

АТФБанк

АТФБанк

www.atfbank.kz

Карта түрі: VISA Virtuon

Бір жылдық құны: 750 тенге (екі жылға ашылады, яғни 1500 тенге)

Ақша салу: 0,5%

Ақша жұмсау: тегін

Ескертпе: Мұндағы мәліметтерді банкінің сайтынан таба алмайсыз, телефон шалып анықтаған едім.

Интернет-банкингі: www.atf24.kz

Алшақтығы: Алты аялдама

 

Банк ЦентрКредит

Банк ЦентрКредит

www.bcc.kz

Карта түрі: VISA Virtuon

Бір жылдық құны: 1000 тенге (екінші жылы тегін)

Ақша салу: 0,5%

Ақша жұмсау: тегін

Интернет-банкингі: my.bcc.kz

Алшақтығы: Жаяу 8-10 минут

 

БТА Банкі

БТА Банкі

www.bta.kz

Карта түрі: VISA Virtuon

Бір жылдық құны: 1600 тенге

Ақша салу: тегін (300 мың теңгеге дейін)

Ақша жұмсау: тегін

Интернет-банкингі: www.btanetwork.kz

Алшақтығы: Үш аялдама

 

Сбербанк

Сбербанк

www.sberbank.kz

Карта түрі: VISA Virtuon

Бір жылдық құны: 1500 тенге

Ақша салу: тегін

Ақша жұмсау: тегін

Интернет-банкингі: www.homebank.kz

Алшақтығы: Бес аялдама

 

Қазақстан Халық Банкі

Қазақстан Халық Банкі

www.halykbank.kz

Карта түрі: VISA Virtuon

Бір жылдық құны: 1300 тенге

Ақша салу (бір күн ішінде): тегін

Ақша салу (POS-терминал, 15 минут): 0,5%, бірақ 600 тенгеден кем емес

Ақша жұмсау: 0,3%, бірақ 1 500  тенгеден кем, 20 000 теңгеден артық емес

Ескертпе: Банкіге телефон шалғанымда тек 0,3% ғана деді, бірақ қайсысы дұрыс екенін білмей отырмын. Егер сайттағы сыйақылар кестесі бойынша 1500 теңге қосып төлеу керек болса бұл өте тиімсіз.

Интернет-банкингі: www.myhalyk.kz

Алшақтығы: Үш аялдама

 

Қазкоммерцбанк

Қазкоммерцбанк (КАЗКОМ)

www.kkb.kz

Карта түрі: MasterCard Standard Virtual

Міндетті шарты: Банкте карт-шотың болуы және www.homebank.kz-те тіркелуің қажет. Виртуалды картаны негізгі карт-шотқа тіркеп ашуға болады. Шот валютасы теңге болса да шетелдік Интернет-дүкендермен есеп айырысқанда конвертация жасалады (сыйақысы 0,2 %).

Бір жылдық құны: 1580 тенге

Ақша салу: тегін

Ақша жұмсау: 0,5%

Интернет-банкингі: www.homebank.kz

Алшақтығы: Жаяу 5-6 минут


Ал енді таңдауға да болады.

Қазкоммерцбанкте карт-шотым жоқ болғандықтан тізімімнен шығардым, ақша жұмсағандағы 0,5% сыйақы мен теңгеден долларға конвертация жасағандағы 0,2% ұнамады. Сөз жоқ, www.homebank.kz қаржы порталы өте ыңғайлы, талай мүмкіндіктері бар. Банк бөлімшесі үйіме де жақын. Бұрыннан шотым болғанда басымды қатырмай 2-3 минут ішінде виртуалды картаны аша салар едім.

Келесісі Қазақстан Халық Банкі болды, өйткені тарифтерін дұрыстап ұға алмадым. Ұққан күннің өзінде «салған ақшам қашан түседі екен» деп күні бойы күтіп жүргім келмейді. Сосын 5-10 долларлық зат алып, үстінен қосымша 1500 теңге төлеу ақылға симайды. Бөлімшесі үйімнен алыстау, әрі онда қашан барсаң адам лықа толы болады. Еліміздің ең сенімді банкілерінің бірі болса да тізімімнен шығардым.

БТА Банкіні шығарғаруымның себебі - үйімнен алыстау. Әрі бір жылдық құны да ең қымбат. Әрине, сол бір-екі жүз теңгеде тұрған ештеңе жоқ, бірақ мұны банкінің маркетинг саясаты осалдығының шағын бір көрінісі ме деп қалдым. 

Сосын АТФБанк пен ЦентрКредит кетті. Карталарының құны ең арзан екені рас, бірақ шотыңа ақша салғандағы 0,5% бәрін бүлдіріп тұр.

Сбербанк пен Альянс Банкінің шарттары бірдей, бірақ біріншісі алыс болғандықтан тізімімнен кетті. Яғни, таңдағаным Альянс Банкі болып шықты. Үйіме жақын – жолдан өте салсам болғаны. Бұл бөлімше түскі үзіліссіз кешкі тоғызға дейін жұмыс істейді, демалыс күндері де ақша қабылдай береді. Бұл мен үшін өте ыңғайлы. Алым-салым кезінде «үстінен қанша ақша қосуым керек еді?» деп басымды қатырып жатпаймын. Ал міндеттерін қалай орындайтындығын, клиентерімен қарым-қатынастарын қалай түзетін уақыт өте кере жатармыз. Бірақ өзім көрген оншақты Virtuon-дардың ішіндегі дизайны ең ұсқынсызы Альянстікі екені рас.

Осыдан біраз жыл бұрын сансыз баға жетпес өнер туындылары сақтаулы тұрған Луврдың әкімшілігі: «Егер Луврда өрт басталып, тек бір суретті құтқаруға мүмкіндігіңіз болса, қай суретті алып шығар едіңіз?» деген сұрақ қойып, конкурс жариялапты. Сондағы мыңдаған жауаптардың арасынан жеңіп шыққаны «Есікке ең жақын тұрғанын» болыпты.

Сонымен картаны таңдадым, банкіні белгіледім. Келесі қадамым - банкіге бару.

Осы және басқа жазбаларымда келтірілген сауда белгілері өз иелерінің меншігі болып табылады. Заң бойынша осылайша жазуым керек екен. Қызық заң. Неге екені "Мысықтың мысық болуы оның мысықтығын пысықтайды" дегім келіп кетті.

Жалғасы: Төлем картасын ашу

Алдыңғысы: Төлем картасын таңдау

3330 5
Рейтинг: +2

Жазылған уақыты: 18 сәуір 2012, 16:11
Тегтер: ғаламтор, банк, тариф, ақша, төлем картасы
Пікірлер
+0
18 сәуір 2012, 19:08

өте керемет талдау екен, менің бүйрегім центркредитке бұрып тұрады :)

+0
18 сәуір 2012, 21:58

Центрбанк маған да ұнайды. Қазақстандағы ең алғашқы коммерциялық банк. Кейбір басқа (бақырайтып атамай-ақ қояйын) банкілер секілді далақтап кететін әдеттері жоқ. Әрі АФН сайтындағы қаржы есептеріне қарағанда активтерінің құрылымдары да жаман емес секілді.

+0
19 сәуір 2012, 13:41

Сонда сбербанк пен альянста тиімді болып тұр ғой, да? Альянспен жұмыс жасап көрген жоқпын, пәлен дей алмаймын. Бірақ сбербенкке несие алуға барған едім. Клиенттерімен жұмыс жасауы ұнады. Әрі, сыйақылары да мен үшін тиімді болған еді.
Қайталап сұрап жіберейінші, бір жылдық құны - ол картаны аштырған үшін төлейтін ақша ма, әлде картаға жыл сайын қызмет көрсетіп отырған үшін ақы ма?

+0
19 сәуір 2012, 14:43

Шетелден жиі-жиі қымбат зат алатындарға, әсіресе сатуға тауар әкелетіндер үшін сол екі банкі тиімді. Өзім секілді анда-санда ғана керегін алғызатындарға кез келген банкінің картасы жарай береді. Сондықтан "есікке жақынын" таңдадым :) Ал несие аларда немесе депозитке ақша саларда сараптаманы басқаша жасар едім. Виртуалды карта оншалықты жауапты нәрсе емес қой.
Бір жылдық құнға картаны ашу да, бір жыл қызмет көрсету де кіреді. Мерзімі біткенде жаңасын тура сол бағаға шығарып береді (тарифтері өзгеріп кетпесе). Бұл жағынан ең тиімдісі Центркредит: бірінші жылы 1000 теңге, екіншісі - тегін. Әрине, "жылына 500 теңге" деп те жазуларына болар еді, бірақ банк маркетологтары клиентерді тартуға көмектесетін "тегін" деген сиқырлы сөзді қолдана білгендеріне риза болып қалдым. ;) Әрі клиентері бір жыл емес, екі жыл бойы басқа банкіге зытып кетпеуінің кепілдігін арттыру шарасы.

+0
19 сәуір 2012, 15:38

Баркіге барып, төлем картаны ашуға тапсырыс бергенім туралы блог-есебті "Төлем картасын ашу" деген атпен жариялап жібердім. :geek: Сілтемесі осы жазбамның аяғында.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев