Оқи отырыңыз

Мықты болсаң, өзгенің жетістігін, өзіңнің кемістігіңді көре біл. 

Автор: Қадыр Мырза Әли

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Ғаламтор саудасы: Сөз басы

Ғаламтор саудасы: Сөз басы

Ғаламтор саудасы: Сөз басы

Сөз басы

Шетелдік интернет-дүкендер мен аукциондардан зат алу қаншалақты тиімді екенін бәрі біледі. Талайлары біліп қана қоймай, керегін алып та жатады. Таныстарымның "Америкадан джинсы-шалбар алғыздым", "Германиядан Мерседесіме бөлшек алдым", "Қытайдан келген ұялы телефонымды почтадан алып кетуім керек" дегендерін естігенде, кәдімгідей елең ете қалатыным бар. "Ғаламтордан зат алуды үйреніп алсам ғой" деп армандаушы едім.

Өзіміздің қазақстандық интернет-дүкендерден тауар алуды баяғыда-ақ меңгеріп алғам, оп-оңай шаруа - тапсырыс жасап, алғаныңды үйіңе әкеліп берген курьерге ақшасын қолма-қол төлеп, қағазына "алдым" деп қол қойып бересең болғаны. Бір-екі күннің, тіпті бірнеше сағаттың ісі. Ыңғайлы екені сөзсіз, әрі заттың бағасы кәдімгі дүкендерден аздап болса да арзанырақ. Осылайша "Алыстан арбалағанша, жақыннан дорбала" деп, жергілікті дүкендермен шектеліп жүрдім. Шетелдің дүкендеріне шығуға жүрексіндім бе екен, еріндім бе екен, әйтеуір оларға жоламайтынмын. Жалқаулығым басымырақ болса керек деймін, қазақпын ғой.eBay.com аукционы

Бірақ осыдан бір апта бұрын шетелден зат алуды үйренуге әбден бел будым. Мұныма себеп болған нәрсені кейінгі бір жолы айта жатармын. Тәуекел деп, аты дүрілдеп тұрған атақты eBay аукционының адресін теріп, Enter-ді бастым.

Бұл сайтқа бұрын да кіріп көргем, бірақ "бәрі ағылшыншынша екен" деп, бірден шығып кеткенім бар. Бұл жолы тістеніп, күшеніп, тырысып-тырбанып сайтты ақтаруға кірістім. "Шок" деген сөзді білесіздер ғой? Дәл сол шоктың өзіне күмп еттім. Іздегенің де, іздемегенің де табыла береді екен. Жаңасы да, ұсталғаны да. Арзаны да, қымбаты да. Тамсана "Вау!" деуге тұрарлық-ақ. Дүниежүзілік "барахолкаға" кіргендей болдым. Шынында да нағыз базар екен - құжынаған халық, төбе-төбе тауарлар. "Базары жақын байымас" демекші, енді артық ақшамнан қор жинау деген жайына қалды білем - базарым жазу үстелімде тұр екен.

Сосын Қытайдың интернет-дүкендерінің сайттарына кіре бастадым. Алдыңғы eBay-дан кейін ассортименттері жұтаңдау болып көрінді, бірақ бұл тек салыстырмалы түрде ғой. Ортақолды дүкеннің өзінде мыңдаған тауарлар болады екен, виртуалды сөрелері тіресіп тұр. Ал бағаларын көргенде біртүрлі жаман боп, өзімді алданған адамдай сезіндім. Өйткені тура сол затқа біздің дүкендерде 1,5-2 есе артық пұл сұрайды екен. Әрине, оларды да түсінуге болады: әкелу шығыны бар, кеден бажын төлейді, тауарын сақтауға қаржы шығарады, дүкен ұстауы керек, қызыметкерлер жалдайды, салығын төлейді, аздап болса да пайда көру керек. Ал жеке адам шетелден зат алғанда бір-екі данадан артық алмайды ғой, тіпті жолын қосқанның өзінде бағасы дүкендегіден әлдеқайда арзан болатыны да заңды емес пе?

Қой, интернет-сауданы тездетіп үйренейін. Көз қорқақ, қол батыр. Ертеңнен бастап бұл тақырыпқа кәдімгідей кіріспекшімін. Форумдарды мұқият оқып, білетін адамдармен ақылдаса отырып меңгермекшімін. Бірдеңесін дұрыс істей алмай шекеме жесем де өзіме тәжірибе болар. "Мың шақырым жол бір қадамнан басталады". Асықпай, майда қадамдармын.

Әр қадамымды Массагеттегі блогыма жазып отырам. Бірге үйренейік.

Жалғасы: Төлем картасын таңдау

2611 18
Рейтинг: +10

Жазылған уақыты: 16 сәуір 2012, 17:48
Тегтер: ғаламтор, интернет, дүкен, аукцион, eBay
Пікірлер
+0
16 сәуір 2012, 17:53

Қытайдың атақты Taobao аукционына да кіріп көрдім, бірақ ол туралы ештеңе жаза қоймаспын, тісім батпайды.

+0
16 сәуір 2012, 17:57

осыны меңгерген жөн, келешекте барлығы да интернет төлемдерге көшетін түрі бар-ау

+0
16 сәуір 2012, 18:06

Троллейбуста "Қалтаңыздағы ауыр тиындардан құтылып, төлем картасына көшіңіз" деп жатады ғой. ;) Біртіндеп электронды төлемдер де кеңінен тарауы сөзсіз.

+0
16 сәуір 2012, 18:10

иә, иә, тошно!!

+0
16 сәуір 2012, 18:14

Өзіме өзім +1 рейтинг қосып қойыппын, ұят-ай. :oops: Есепке алынбасын. :)

+0
16 сәуір 2012, 20:50

алдағы күндеріңізді жазып отырсаңыз, керемет болар еді, қызықтырды :)

+0
16 сәуір 2012, 21:50

Өзімнің де жоспарлап отырғаным сол. Сайттарда тіркелуден бастап алған затым қолыма тигенге дейінгі әр қадамымды блог-есеп түрінде үзбей жариялап тұрмақшымын. Келесі жазбам төлем картасын таңдау туралы болмақ.

+0
16 сәуір 2012, 23:56

ооо керемет. ал, күтеміз. жалпы интернет арқылы арзанға шетелден киім-кешек алды деген әңгімелерді мен де естіп жатамын. Өзім де үйренгім келіп жүр. Бірақ сол жалқаулықтан мен де бас ауыртып жүргенім жоқ.

+0
17 сәуір 2012, 00:00

Айтпақшы, ebay сайтының орысша нұсқасы бар міне: http://www.ebay.ru/

+0
17 сәуір 2012, 02:58

Орысша нұсқасына кіріп көргем. Тіркелуі оңайырақ болғанмен, нақтылы сатушының немесе тауардың бетіне кіргенде бәрі ағылшынша болып тұрады екен. Сондықтан шатаспау үшін eBay мен PayPal-дың ағылшыншасын меңгермекшімін. Тез үйреніп кететінімді білем. Кезінде бірсыпыра компьютерлік бағдарламаларды ағылшынша үйреніп, сосын орысшалары шыққанда "мынау не деп тұр?" деп ұқпай қойғаным бар. :) Бұл сайттарға көз үйренер. Әрі бұлармен жұмыс істеуді түсіндіретін әдістемеліктердің бәрі дерлік ағылшынша нұсқаларына сүйене отырып жазылған екен.

+0
17 сәуір 2012, 03:12

мхм. Іске сәт!

+0
17 сәуір 2012, 04:09

PayPal қатырыпты. Олардың пікірінше Қазақстанда тек ағылшын, испан, француз және қытай тілінде сөйлейтіндер ғана тұрады екен :lol:

+0
17 сәуір 2012, 09:30

бугін как раз е-бэй туралы ойлағанмын, маған медальдің планкісі керек !!! қайдан алсам екен

+0
17 сәуір 2012, 09:45

Медаль планкасын фалеристердің сайттарынан іздестіріп көру керек. Баяғыда Алматыдағы клубтары жақсы еді, қазір бұрынғыдан да мықты болып кетті дегенді естуім бар. Бірақ соңғы жылдары қайда жиналатындарын білмейді екем.

+0
17 сәуір 2012, 18:29

Екінші жазбам жарияланды: http://massaget.kz/blog/1398

+0
19 сәуір 2012, 12:59

Жақсы нәрсені бастаған екенсіз. Осы ғаламтор саудасына қызығушылардың бірімін. Көршім бар ғой, Құдайдың құтты күні АҚШ-тан, Еуропадан зат алдырып жатады. "Қалай алдырасың?" деп сұрауға жаман ұяламын. Мынауың түк білмейді екен деп ойлай ма деп. Әрине, ол жақта танысы, тамыры жоқ, сол ғаламтор арқылы сатып алатынын білем ғой.
менің түсінігімде, eBay мен PayPal - ғаламтор арқылы сауда жасауға ыңғайландырған вируалды дүкендер. Оларға сенуге болатын шығар деймін. Ал, одан бөлек адамдардың өз қолынан сатып алатын ғаламтор дүкендері бар. Әлде қателесіп отырмын ба? (мәселен, аллегро.кз, сландо.ру сияқты) Соларға да тоқталыңызшы.

+0
19 сәуір 2012, 15:28

eBay аукционы мен PayPal төлем жүйесі талай жылдан бері жұмыс істеп, әбден сыннан өткендер. Иесі де бір. eBay алғашында жеке адамдардың заттарын (әсіресе ұсталған немесе керексіз) сатуға арналған сайт ретінде ашылған екен. Бірақ біраздан соң мұның беретін мүмкіндіктерін түсіне қойған фирмалар да өздерінің өнімдері сатуға кірісіпті. Қазір бұл аукционда небір ірілі-кішілі фирмалар "бутиктерін" ашып алған.
Ал басқа аукциондар, дүкендер мен электронды ақша жүйелері туралы жазу жоспарымда бар. Өзімді ерекше қызықтырып жүрген дүкендер - Amazon.com мен BHphotovideo.com. Қытайдың AliExpress, PandaWill, BuyInCoins, Dealextreme секілді сайттарына да тоқталып өтермін. Электронды төлем жүйелерінен WebMoney, Google Wallet, Яндех.Деньги, LiqPay мен QIWI-ді сөз етпекшімін. Арасына тағы басқалары да кіріп кетуі ықтимал.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

"Мектеп 2017" 1-бөлім

Атауы: Мектеп 2017 Режиссері: Пак Джин Сок Бөлім саны: 16 Басты рөлдерде:  Соль Ин А, Чан Дон Юн, Ким Се Чжон, Ким Хи Чон

BTS –
BTS – "Blood,sweat & tears" [kaz_sub]

Топ: BTS немесе Beyond The Scene  Дебют: 2013 жыл, 13 маусым

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев