"КВН-шиктердің" Бораттан еш айырмасы жоқ
блог
Біреулер айтуы мүмкін «КВН-шик» жігіттеріміз ТМД елдеріндегі жарыстарда көк байрағымызды көтеріп шығып, елімізді әлемге танытып жатыр» деп.
Осы «КВН-шиктер» сырт елдерге Қазақстанды келеке еткен әзілдерімен мемлекетіміз танытпай-ақ қойсыншы. Мұндай жағдайда «КВН-шиктердің» Бораттан еш айырмасы жоқ екенін байқайсың.
Қазір қала мен ауылдағы білім ошақтарына барып, қандай да бір мәдени іс-шараға қатыссаңыз оқушылардың КВН ойнап, айтысып жатқанының үстінен түсесіз. Қазір КВН-дағы әзілдер мәдениеттің өлшеміне айналған. Кейбір аудан әкімдері мәдениет үйлерін күрделі жөндеуден өткізгеннен гөрі КВН командасын ұстағанды жөн көреді. Әкімдіктерді былай қойып, қазір әр мектептің өзінің КВН командасы бар. Мектеп оқушылары қысы-жазы ел аралап, арзан әзілдерін айтып жүргені. Сонда олар қай уақытта сабақ оқиды? Түсініксіз. Ең өкініштісі, мектеп директорларына «оқушылардың тәрбие жұмысы қалай жүріп жатыр?», – деп сұрай қалсаңыз:
– Мектеп қабырғасынан құрылған «Қисықбай» деген КВН командамыз аудандық, республикалық жарыстарға қатысып, жүлдеді орындарға ие болды, – деп директор жорғалай жөнеледі.
Нұрлан Жұмаханның фейсбуктегі жеке парақшасынан