Шымкентте қоқыс жәшігінің маңынан ер адам өлі табылды

Шымкентте қоқыс жәшігінің маңынан ер адам өлі табылды
Фото: Видеодан алынған кадр

Шымкентте қоқыс жәшігінің маңынан ер адам өлі табылды, - деп хабарлайды Massaget.kz тілшісі Otyrar.kz-ке сілтеме жасап. 

Шымкентте Ерімбетов көшесі, 38-үйдегі тұрғын үйдің ауласынан ер адам өлі табылды.

Басылым мәліметінше, жантүршігерлік оқиға туралы полицияға 1 мамырда сағат 16:00 шамасында жергілікті тұрғындар хабарлаған.

Оқиға орнына келген полиция қызметкерлері мәйітті зорлық-зомбылық белгілеріне қарап тексерді, бірақ алғашқы сараптамада зорлық-зомбылық белгілері анықталмады.

Алайда адам өлімінің нақты себебі әлі нақты анықталған жоқ. Тәртіп сақшылары ер адамның жеке басын анықтап үлгерді.

Ол Қазақстан азаматтығын алған 1984 жылы туған өзбекстандық ер адам болып шықты. Өлімнің нақты себебі анықталып жатыр.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

С. Бөлек