Жетісу облысында жол апатынан 3 адам опат болды, арасында сәби де бар
Фото:
polisia.kz
Жетісу облысында ауа райының күрт нашарлауынан бірқатар жол апаты болды, - деп хабарлайды Massaget.kz тілшісі polisia.kz-ке сілтеме жасап.
Кейінгі екі жол апаты Ақсу ауданындағы Сағабүйен ауылының маңында тіркелді. Елді мекеннен шыққан кезде Mitsubishi Lancer автокөлігінің 29 жастағы жүргізушісі, рөлге ие бола алмай, көпірден аударылып кетті. Жол апатынан екі адам зардап шекті.
Сонымен бірге Алматы – Өскемен автожолының 361-шақырымында (Сағабүйенде) CHERY кроссовері КамАЗ-бен соқтығысқан. Оқиға орнында 3 адам қаза тапты, олардың арасында сәби де бар. Тағы екі зардап шеккен адам ауруханаға түрлі жарақаттармен жатқызылды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан