Кімдер Қазақстан президентігіне үміткер бола алады?
Фото: Tengrinews.kz/Тұрар Қазанғапов

Кімдер Қазақстан президентігіне үміткер бола алады?

Орталық сайлау комиссиясы төрағасының орынбасары Константин Петров заң бойынша Қазақстан Президенттігіне кімдер үміткер бола атанын айтты, - деп хабарлайды Massaget.kz тілшісі.

Кандидатқа қойылатын негізгі талаптар мынадай: 

- тууы бойынша азаматтығы;

- кейінгі 15 жылда Қазақстанда тұруы;

- жоғары білім;

- 40 жастан жоғары;

- белсенді сайлау құқығына ие болу;

- мемлекеттік қызметтегі немесе сайланбалы лауазымдардағы жұмыс тәжірибесі 5 жылдан кем болмауы тиіс;

- мемлекеттік тілді еркін меңгеруі тиіс. 

"Президенттікке кандидаттарды қолдау облыстар, республикалық маңызы бар қалалардың және Астананың кем дегенде 2/3 атынан теңдей өкілдік ететін сайлаушылар санының кем дегенде 1 пайызының қолын жинаумен куәландыруы тиіс. Қол қою парақтарын беру кандидаттың Конституция мен Конституциялық заңның талаптарына сәйкестігін анықтағаннан кейін 5 күннің ішінде жүргізіледі", - дейді Петров.

Ол бүгінде сайлау жарнасының мөлшері 3 миллион теңге екенін түсіндірді. Сайлау жарнасы кандидатқа, егер ол лауазымға сайланса не дауыс беруге қатысқандардың барлығынан кемінде 5 пайыз алса, қайтарылады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

С. Сатыбалдина