Шымкентте 12 жастағы қыз өрттен егіз бауырын құтқарып қалды

Шымкентте 12 жастағы қыз өрттен егіз бауырын құтқарып қалды
Фото: ©Тұрар Қазанғапов

Шымкентте 12 жастағы қыз өртеніп жатқан үйден егіз бауырын аман алып қалды, - деп хабарлайды "Отырар" сайты.

Оқиға 15 шілдеге қараған түні Қайнарбұлақ саяжайы аумағында болған. Өрт басталған кезде үйде ата-анасы болмаған. Қыз орындық жанып жатқанын көрген. Ол өртті сөндіруге тырысқан, бірақ жалын тым күшті болған. Осы кезде бөлмеде қыздың бір жасар егіз бауыры ұйықтап жатқан. Әпкесі көп ойланбастан, бауырларының бірін ұстап, көшеге алып шыққан. Кейін өртеніп жатқан үйге оралып, екінші бауырын көтеріп алып шыққан.

"Балаларды бірінен соң бірін үйден шығарып алған. Маған: "Анашым кешіріңізші, мен інімді шығарған соң, оны жерге жатқызып кеттім. Өйткені ары қарай тағы жүру керек болды, кешіріңізші" дейді. Шынымды айтсам, өзім шошып кеттім, ол бала ғой, өзі де қорқып қашуы мүмкін еді. Содан соң, ұзақ уақыт аяғы дірілдеп отырды, қорқып кетіпті. Кейін балаларды көршіге апардық, үй толық өртеніп кеткенін айтпадық", - деп еске алады Мария Саворовская.

Құтқарушылар жеткенше, өрт ауыздықталған. Әйелдің айтуынша, өрттің себебі желдеткіштегі сымдардың қысқа тұйықталуы болуы мүмкін.

"Желдеткіш орындықтың дәл үстінде ілініп тұратын. Менің ойымша, сымдар қысқа тұйықталған. Диван мен орындық ішінде синтетикалық мата бар, ол тез тұтанады. Біз келгенде, терезеден бәрі жанып жатқанын көрдік. Су шаша бастадық, бізде бассейн бар, тез су тасыдық. ТЖД да тез жетті, бірақ ол уақытта бәрін сөндіріп болғанбыз", - деді Мария Саворовская.

Ер адам өрттен зардап шеккен отбасыға өз еркімен көмек көрсеткен. Үш баласы бар отбасыға уақытша баспана және азық-түлікпен көмек көрсетілген. Қазір олар өртенген үйді қалпына келтіруге тырысып жатыр.

Фото: otyrar.kz

Ж. Қадыржанова