Астанада тұрмысы төмен балаларға арналған шырша өтті

Астанада тұрмысы төмен балаларға арналған шырша өтті

Бүгін Астана қаласы, М.Өтемісұлы атындағы Оқушылар сарайында Есіл ауданындағы тұрмысы төмен және көп балалы отбасылардан шыққан 230-дан астам балаға арналған жаңажылдық шырша өтті, деп хабарлайды Есіл ауданы әкімі аппаратына сілтеме жасаған astana.gov.kz.

«Жаңажылдық шытырман» бағдарламасы концерт, ойын-сауық блогынан және ертегі қойылымынан тұрады. Балаларды Аяз ата мен Ақшақар, жыл нышаны - жылқы мен мультфильм, халық ертегілерінің кейіпкерлері қарсы алды. 

Іс-шара соңында балалар биыл алғаш рет театрландырылған ертегі қойылымын тамашалады. Ертеңгілікке қатысқан әр балаға тәтті дәмділер мен сыйлықтар үлестірілді. 

Дайындаған: Мейіргүл Оңғарова

Сурет: af1461.livejournal.com

М. Оңғарова