"Мәдениет" айдары бойынша 1 жылдық есеп-шолу

Жаңа жыл келіп, жылан жылына бірнеше қадамдар қалған кезде, өткен қоян жылындағы "Мәдениет" айдарының сараптамасын ұсынамыз.

"Мәдениет" айдары өз ішінде көпе-көрнеу еңбек етіп, еліміздегі және әлемдегі мәдениет ақпарларымен бөлісіп отырды. Өнердің түрлі салаларындағы атақты мәдениет, өнер қайраткерлерінің шығармашылық болмысымен таныстыра отырып, жастардың қызығушылығын арттырды.

Мұның ішінде дәстүрлі түрде жазылып отырған қазақ әндерінің тарихы, театр қойылымдарына жасалған түрлі шолу, сұхбат, ақпараттар, белгілі өнер адамдарымен жасалған әңгіме-сұхбаттар оқырманға қызық болды деген сенімдеміз.

Ендігіде "Мәдениет" айдары бойынша жыл бойында ең көп оқылған мақалаларды сараптап өтейік. Ең бірінші кезекте ақпарат ретінде шыққан ««Көк тарландары» телехикаясы көрерменге жол тартпақ» атты жазба. Ақпарат бүгінге дейін 8960 рет көріліп, оған 6 пікір жазылған. Қазақ кинөндірісінің даму дәуірінде дәл осы тақырыптағы жаңалықтың көп оқырманға қызықты болуы заңды да.

Себебі оқырманымыздың қазақтың төл туындыларына деген қызығушылығы уақыт санап артуда. Бұл ойымызды көрілімі жағынан екінші боп тұрған ««Жаужүрек мың бала» асыға күткен тарихи фильм» мақаласы дәлелдеп бермек. Жазба 7304 рет көріліп, оған 12 пікір жазылған.

Біз бірінші кезекте көрілу есебінен ғана шыққан нәтиже бойынша қорыттық. Ал қызу талқыға түсіп, елді елең еткізген мақалалар да баршылық.

Иә, ұмытып барады екенбіз. «Сары баспасөз» болып тікелей аударылып жүрген ақпараттардың оқырманына да ұсынатын дүниелеріміз көп.

Ал келешекте "Мәдениет" айдары өз оқырманын жаңа мүмкіндіктерімен таңғалдырмақ. Мәселен, ән тыңдап, бейнебаян көргіңіз келе ме? Әлде мәдениет қайраткерлері, суретші, әнші, бишілермен онлайн түрде сұхбаттасқыңыз келе ме? Мұның барлығы да тәй-тәй басқан ерке Массагеттің алар асуы, көрер қызығы. Біз сіздің сенімді әлі-ақ ақтаймыз. Тек бізбен бірге болыңыз!

Құрметпен: Ардақ Құлтай

Сурет: мұрағаттан

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

"Жұмжұма сұлтанды" сөйлеткен ақын
"Жұмжұма сұлтанды" сөйлеткен ақын
2021 жылы саяхаттауға ең қауіпті және қауіпсіз елдер анықталды
2021 жылы саяхаттауға ең қауіпті және қауіпсіз елдер анықталды
Қазақстанда мемлекеттік туды балконға ілуге ресми түрде рұқсат етілді
Қазақстанда мемлекеттік туды балконға ілуге ресми түрде рұқсат етілді
АҚШ-тың жұмбақ аралы Гуам
АҚШ-тың жұмбақ аралы Гуам
АҚШ-та тағы бір жұмбақ монолит табылды
АҚШ-та тағы бір жұмбақ монолит табылды
Эмпатия бала миының дамуына қалай әсер етеді?
Эмпатия бала миының дамуына қалай әсер етеді?