2013 жылға арналған жұлдыз-жорамал: Арыстан

2013 жылға арналған жұлдыз-жорамал: Арыстан
  • Нәзік жандыларға

Бұл жылы сіз бірінші орынға отбасы мен үй шаруасын қоймақсыз. Барлық сыртқы жұмыстарды уақытша болса да доғара тұрып, жақындарыңызға көңіл бөліп, балаларыңызбен және олардың әкелерімен көп уақыт өткізіңіз. Өзіңіздің үй ішінде орныңыздың тым бөлек екендігін сезінесіз. Жарыңыз бен бала-шағаңызға бұрын әзірлемеген тағамдарын жасап беріңіз. Тұрғын орныңызды өзгертіңіз не күрделі жөндеу жұмыстарын жүргізіңіз. Өзіңіздің белсенділігіңізді әлеуметтік жұмыстарда емес, шаңырағыңызда көрсетіңіз. Сізді, сонымен қатар, таңғажайып саяхаттар да күтуде. Жылдың ортасы мен соңында жан дүниеңізде аздаған өзгерістер орнауы мүмкін. 

  • Ерлерге

Қазір бірден жоғарыға өрмелеудің қажеті жоқ, алдымен өзіңізге не керек екендігін анықтап алыңыз. Сізге де отбасы мәселелерін шешіп алар уақытыңыз келгендей. Жаңа үй тұрғызуға не ескі үйіңізге жөндеу жұмыстарын жасауға кірісіңіз. Сіздің күшіңіз жұмысқа да, үй шаруасына жетерлігін дәлелдеңіз. 

Жеке өмір

  • Нәзік жандыларға

Жылан жылында жеке өміріңізде келеңсіз жағдай орнамайды. Жыл басталысымен-ақ өзіңіздің басқаға керек екендігіңізді сезініп, бақытты күй кешесіз. Сізді кереметке толы романтикалық кездесулер күтіп тұр. Сүйіктіңізді жақын тану үшін қаңтар мен ақпан айлары таптырмайтын уақыт. Тіпті сіз осы айларда оған көп көңіл бөліп, артынша тұрмысқа да шығуыңыз мүмкін. Ал әлі тұрмыс құрмаған ханымдар жазда не көктемде саяхатқа аттанып, сонда жаңа таныстар табады. 

  • Ерлерге

Сіз ендігі отбасын құруға дап-дайын жүрсіз. Сондықтан (егер сүйгеніңіз бар болса) жыл басында-ақ үйленуге бел байлайсыз. Ақпан мен наурыз айлары нағыз тәтті сезімдердің айы. Сәуір айы күтпеген кездесулерге, романтикалық саяхатқа толы болмақ. 

Жұмыс пен мансап

  • Нәзік жандыларға

Өзіңізге жылан жылындағы жұмыстарыңыз қарқынсыз тоқтап қалғандай көрінуі мүмкін. Жыл басталысымен жұмысқа деген құлшынысыңыз төмендемек. Бірте-бірте жалығасыз. Бірақ бұл үшін қара аспанды төндірудің түкке де керегі жоқ. Өйткені бұл сынақ сіздің отбасыңызға көп көңіл бөлуіңіз үшін. Бұл жыл БАҚ-та жұмыс жасайтын арыстандар үшін қолайлы болмақ. Екінші жарты жылдықта дизайнерлер мен шығармашылық адамдарын сәттілік күтіп тұр.

  • Ерлерге

Бұл жылы сіздің көп уақытыңыз күнделікті майда-шүйде жұмыстарға кетпек. Мансап өсіру үшін жанталасудың қажеті шамалы. Шаршасаңыз, өзіңізге демалыс жариялаңыз да табиғат аясында тыныстап қайтыңыз!

Сіз сүйетін жан

  • Нәзік жандыларға

Ақылына көркі сай жігіт сізге де керек-ақ. Үй шаруасына көңіл бөлуге уақыт табатын жар таңдауға тырысыңыз. Сіз екінші жарты жылдықта қарқынды түрде жар іздейтін боласыз.

  • Ерлерге

Сіз үшін әлемнің төрт бұрышына да баруға даяр тұратын жан керек. Сондай жан кездеседі деп үміттене беріңіз. Бірақ ол өзін тәуелсіз сезінгісі келеді. Бәрін түсіністікпен шешіңіз.

Дайындаған: Ақерке Әбілхан

Сурет: myzodiak.info

А. Әбілхан