Лондон Олимпиадасының шымылдығы түрілді

Лондонда отызыншы жазғы Олимпиаданың салтанатты ашылу рәсімі басталды. Үш сағаттық ашылу салтанатын Олимпиада үшін құрылған стадионда 80 мың көрермен, тікелей эфирде миллиардтаған телекөрермен тамашалауда. 

Бұл тарихи сәтті 100-ге жуық мемлекеттің басшылары да стадионда отырып көріп жатыр.

Салтанатты ашылудың қоюшы режиссері - Денни Бойл. Рәсімде әлем халықтарының тарихынан сыр шертіліп, бүгінгі күннің көріністері қылаң беруде.

Олимпиада ашылуының құны - 42 млн $.

205 елден келген спортшылар өз елдерінің намысы үшін бақ сынаспақ. Біздің елдің намысын 116 спортшы қорғайды. Спортшыларымызға сәттілік серік болсын!

Сурет: drugoikavkaz.livejournal.com

Дайындаған: Мейіргүл Оңғарова