Сарапшылар әлемдік туризм қашан қалпына келетінін айтты

Сарапшылар әлемдік туризм қашан қалпына келетінін айтты
Фото: envato.com

Сарапшылар 2021 жылы саяхат пен туризмнен түскен табысты болжап, әлемдік туризмді 2019 жылдың деңгейіне дейін қалпына келтіру туралы болжам жасады.

Саяхат және туризм кірісі 2021 жылы 385 миллиард долларға жетеді, бұл 2019 жылғы кіріс деңгейінің жартысынан да аз. Мұндай болжамды америкалық қаржы сарапшылары шығарды. Бұл ретте 2020 жылмен салыстырғанда табыс 30 пайызға дерлік өседі деп күтілуде. Былтыр пандемия кезінде туристік сектордың саны 60 пайызға төмендеп, кірісі бар болғаны 298 миллиард долларды құрады.

Биыл туристік жолдамамен саяхаттау 115,7 миллиард доллар әкеледі деп болжануда, бұл 2019 жылмен салыстырғанда 54 пайызға аз. Демалыс үйін жалға беруден түсетін табыс 71,1 миллиард долларды құрайды, бұл эпидемияға дейінгі деңгейден 15 пайызға төмен. Саяхат және туризм саласында жұмыс істейтін компаниялардың саны 40 пайызға азайды.

Сондай-ақ, сарапшылар АҚШ-ты әлемдегі ең ірі туристік индустрия деп санайды. Бұл елдің табысы 83 миллиард долларға жетеді, бұл 2019 жылмен салыстырғанда 62 миллиард долларға аз.

Екінші ірі нарық - Қытай. Республиканың кірісі 2020 жылмен салыстырғанда 41 пайызға өсіп, 82,4 миллиард доллар әкеледі деп болжануда. Бұл 2019 жылмен салыстырғанда 37 миллиард долларға аз. Туризм индустриясы дамыған келесі елдер - Германия, Жапония және Ұлыбритания, сәйкесінше 23,8 миллиард доллар, 22,3 миллиард доллар және 14 миллиард доллар. Бұл сандардың барлығы пандемияға дейінгі көрсеткіштен екі есе төмен.

COVID-19 туристік нарықтың тарихындағы ең үлкен құлдырауына себеп болды. Халықаралық шекаралардың жабылуы және карантин шектеулері көптеген туристік компания мен қонақүйдің жабылуына әкеп соқты. Көптеген тыйымның жеңілдетілуіне және шекаралардың біртіндеп ашылуына қарамастан, туризм саласындағы жалпы табыс шығыны әлі де үлкен. Сарапшылардың болжамы бойынша, бұл саладағы жалпы жағдай 2023 жылы түзеліп, табыс 738 миллиард долларға жетуі мүмкін.

дереккөз:kaz.tengritravel.kz

Т. Есқали