Данни Уэлбектің шешуші голы

  Англия  3-2   Швеция

Төреші:  Дамир Скомина

Өткізілген күні: 15 маусым, 00:45

Негізгі құрамда: 

 Англия: Харт - Коул, Лескотт, Терри, Джонсон - Паркер, Джеррард, Милнер, Уэлбек, Янг - Кэрролл.
  Қосалқы құрамда: Джагелка, Келли, Даунинг, Окслейд-Чемберлен, Уолкотт, Дефо, Хендерсон, Батланд, Бейнс, Грин, Джонс.

 Швеция: Исакссон - Гранквист, Мельберг, Ольссон, Лустиг - Свенссон, Чельстрем, Тойвонен, Ларсон - Ибрагимович, Элмандер.
    Қосалқы құрамда: Хульмен, Виланд, Байрами, Тойвонен, Хюсен, Вильхельмссон, Люстиг, Антонссон, Розенберг, Вернблум, Ханссон, Сафари.

 Голдар:   Кэрролл(23)1-0,   Мельберг(49)1-1,   Джонсон,автогол(60)1-2,   Уолкотт(64)2-2,   Уэлбек(79)3-2,

 Ескертулер:     Милнер   (58),   Мельберг   (63),   Ольссон   (72),   Свенссон   (90),

Миллиондаған жанкүйерлердің асыға күткен ойыны 15-минутқа кешігіп басталды. Бастапқы уақытта ойын бірсыдырғы өтіп жатты. 7-минутта Скотт Паркер қақпаға ең алғашқы допты бағыттады. Исакссон еш қиналмастан допты қағып алды. Сөйтіп тартыс қыза түсті...

Шведтер құрамынын бір ғана өзгеріс болды. Бұл жолы Ибрагимовичтің қасында серік болып алғашқы минуттардан "Болтон" командасының ойыншысы  Йохан Элмандер ойнады. Ал Рой Ходжсон баптаған ағылшын командасының сапында Алекс Окслейд-Чемберленнің орнына бірінші минуттардан Кэрролл шықты. 

15-минутта Джеймс Милнер қапталмен барып Уэлбекке тамаша пас тастады. Бірақ, Джо Харт еш қиындықсыз допты бағындыра алды. Бірінші ойын бөлігінің орта тұсында алғашқы гол орын алды. Стивен Джеррард алаң ортасынан асырып пас тастады. Бірінші болып жеткен Кэрролл ойындағы есепті ашты. Есеп: 1:0.

Екінші ойын бөлігі бірден қатты қарқынмен басталды. Ибрагимовичтің кезекті айып добы қорғаушылардан кері серпілді. Бірақ, қайта келген допты айып алаңында өріп жүрген қалың ойыншылардың ортасына тастай салды. Бұл жолы  Олаф Мельберг бірінші болып соққы бағыттап үлгерді. Шыны керек, Джо Харт бар өнерін салып жатып кері қайтарып еді. Алайда, қақпашының қасында тұрған Глен Джонсонға тиіп, бастапқы бағытымен қайта барып қақпа торынан бір-ақ шықты. Есеп теңесті: 1:1. Одан араға көп уақыт салмай жатып, 59-минутта Себастьян Ларссон қақпа маңына әуелетіп тамаша пас тастады. Бұл жолы да Мельберг бірінші жетіп, еш қиындықсыз екінші голдың авторы атанды.

Бір кезде алаңға Милнердің орнына Тео Уолкотт ауысып кірді. Арада 3-минут өтер-өтпесте "Арсенал" командасының ойыншысы қақпашыға күтпеген жерден тосын соққы жасады. Қалың қорғаушылар алдын кес-кестеп жүргендіктен бе, Исакссон бұл жолы өз қақпасын голдан аман соқтап қала алмады. 

78-минутта ойын тіптен шиелінісе түсті. Алма-кезек шабуылдар өткірлене бастады. Солардың бірінде тағы да Тео Уолкотт өзінің қатты жылдамдығымен екі қорғаушыдан сытылып барып, қақпа маңайында жүрген Уэлбекке әдемі пас тастады. Өз кезегінде Уэлбек те аспай-саспай өкшесінің сыртымен допты қақпа торына тоғыта салды. Есеп:3:2.

Ағылшындар өз тобында 4 ұпай жинап француздармен теңесті. Ендігі шешуші ойын украиндарға қарсы өтеді.

Сурет: evro-2012.org:live-cs.ru

Дайындаған: Фараби Бақыт