Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Арнайы жобалар / НАУРЫЗ 2013 / Оразақын Асқар "Ұлы істің ұлы күні наурызда"

Оразақын Асқар "Ұлы істің ұлы күні наурызда"

Оразақын Асқар

Халықаралық «Алаш» әдеби сыйлығының лауреаты Оразақын Асқар Наурыз тақырыбына бір топ цикл өлеңдер арнаған. Сонымен қатар, ақынның ел аузынан жинап құрастырған наурызға байланысты бата-тілегі бар. Ендеше ақсақалдың ақ батасын қабыл алыңыз!

Наурыз өлең (Ел аузынан жазып алып құрастырған Оразақын Асқар)     

Көктемде сең жүреді астан-кестен,

Бауырын ақ түйенің арқан тескен.

Ұлыстың ұлы күні бас қосқанда

Құрбыжан, өлеңінді айт қатар өскен.

Қарасу есік алды бойлағаным,

Жалғанның қызығына тоймағаным.

Кетер ме көмілсем де көкейімнен

Қалқаммен ұлыс күні ойнағаным.

Ұлы істің ұлы күні наурызда

Дос түгіл татуласар жауыңыз да.

Жер баптап, бұлақтардың көзін ашып,

Көшет ек, бақша-бауыңызға.

Етегі Қаратаудың көктегенім,

Үлкеннің алдын кесіп өтпегенмін,

Ұлыстың ұлы күні таңдап тапқан,

Өзіңнен асқан сұлу жоқ дер едім.

Қаратау жазда менің жайлағаным,

Көгалға жылда бие байлағанмын.

Ұлыстың ұлы күні кездесіп ек

Сен болдың ала жаздай ойлағаным.

Саласы Қаратаудың күздегенім,

Құрбыңның білші күдер үзбегенін.

Ұлыстың ұлы күні танысып ек

Сен болдың жиын-тойда іздегенім.

Қойнауы Қаратаудың қыстағаным,

Өзіңсің таңдап тауып ұстағаным.

Ұлыстың ұлы күні жауабыңды айт

Жүзіндей қалпылдамай ұстараның.

Тамсанып наурыз көже таттық дәмін,

Халықтың тартып күйін, айтып әнін.

Көрсетіп алуан өнер қыз, бозбала

Ал кәне келтірейік тойдың сәнін.

 

Наурыз бата

Ниеттерің ақ болсын,

Наурыздың ақша қарындай.

Бастарыңа бақ қонсын,

Шашыңның барлық талындай.

Санасы өсіп адамның,

Көңілде кір қалмасын.

Құты қашып жаманның,

Жақсы тапсын жалғасын.

Тыныш болсын даламыз,

Түгел болсын нуымыз.

Таза болсын ауамыз,

Тұнық болсын суымыз.

Қатыгездік жоқ болсын,

Оралмасын кез өгей.

Кірісіміз көп болсын,

Бүгінгі Наурыз көжедей.

Аллаһу акпар!

Дайындаған: Ардақ Құлтай

Дайындаған: Ардақ Құлтай
Қосылған күні: 21 наурыз 2013, 14:42

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.