Оқи отырыңыз

Адам тек жаңа туған кезінде, содан соң тек өлер сәтінде ғана бар күнәһарлықтан таза, ақ, адал сезімнің айдынында жүзе алады

Автор: Оралхан Бөкей

— Редактор бағаны —

Массагетте пікір қалдыру мен блог жазу ережесі өзгерді
Массагетте пікір қалдыру мен блог жазу ережесі өзгерді

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Арнайы жобалар / 15 сәуір 2014 / 15 сәуір. Мен сені сүйіп қалыппын

15 сәуір. Мен сені сүйіп қалыппын

15 сәуір. Мен сені сүйіп қалыппын

Қыздың ғашықтық хаты

Екеуміз арман қуып, шалғайдағы батыстан Алматыға бірге келдік. Сен маған араға апта салмай, жиі келіп тұрдың. Жатақханадағылар екеуміздің көп кездесетінімізді көріп, сенің жігітім екеніңе күмәнданбайтын.

Олай емес еді. Тек көзтаныс, жерлес болудан аса алмадық...

Бір күні жатақханадағы құрбыма «Жігітім емес дедім ғой» деп ақталып жатқанымда: «Ендеше, неге ол саған келе береді?» деді.

Ойландым. Телефон шалмақ болдым. Саған.

Көтермедің. Көтермегенің қандай жақсы болған. Телефоныңды алып қалғанда, не айтушы едім?.. Өз-өзіме ренжіп, содан бері сен жайында «дос» дегеннен өзге бөтен ештеңе ойламауға тырыстым.

Төрт жыл өтті. Төрт жыл бойы ештеңе айтпасаң да, қиындық пен қуанышта жанымнан табылдың. Бір-бірімізге арқа сүйедік.

Мен оқу бітіріп, жұмысқа тұрдым. Сен де оқу бітіріп, қызметке кірістің.

Бұл күні жиі келуіңді доғардың. Өйткені мен жігітпен кездесе бастадым.

Мен шын сүйдім. Сені емес. Оны...

Бір күні «Пәтеріңнің жанына өтіп бара жатырмын, соға кетейін бе?» деп хабарластың. Кездестік. «Ол кім? Шынымен сүйесің бе?» деп жігітім жайында қазбалай бастадың. «Әрине!». Мен айғайлап жібердім. «Өмірімді сол жігітпен өткізгім келеді!».

- Сені жылатпай ма? Шыныңды айтшы.

- Жылатады, бірақ... Өзімнің де кінәм болады.

- Сені ешкім жылатпаса екен...

Күз еді. Бұрылып кетіп қалдың. Үзіліп түсіп жатқан әлсіз сары жапырақты қадай басып көз ұшымда қара нүктеге айналдың. Ол кезде сенің бұл сөздеріңді таразыға салып, түсіну үшін тым бақытты едім. Бәріне жеңіл, көңілді қарайтын, сүйгенімді тапқан бақытты жан едім.

Сол жылы көктемде туған күнім болды. Күні бойы туған күнімді тойлап, енді ұйықтай бергенде, телефон шырылдады. Сен екен. «Пәтеріңнің алдына келіп тұрмын, шықшы» дедің. Тәтті ұйқымды қимадым. «Үйде емеспін» дедім. Ояу жүрген құрбым терезе жапқышын білдіртпей ашып қарап: «Қолына бір шоқ гүл мен жүрек ұстап кетіп барады» деді...

Арада екі жыл өтті. Жігітім екеуміздің арамыздағы тәтті, бал махаббат саябырсыған. Ренжісу, түсініспеу, айғайласу...

Сондай кездері сені іздейтінді шығардым.

Бір күні таңертең бәріне қолымды бір-ақ сілтеп, басы бос қызға айналдым. Жігітімді тастадым. Дұрысы – ол мені тастады. Екеуміз бір-бірімізден шаршаған едік.  

Саған хабарластым. «Келші» дедім.

Келмедің.

Екінші күні тағы хабарластым. Келмедің.

Үмітімді үзе бергенімде, смс жаздың. «Сен мені қанша рет сатып кеттің. Жігітпен жүргеніңді ешқашан кешіре алмаймын. Сені өмір бойы сүйіп едім. Жаралы жүрегіңе дәрі бола алмаймын. Қош бол».

Сонда ғана уақыт лентасын кері айналдырып, бәрін ой безбеніне тарттым. Ақымақ басым...

Жігітім бір айдан соң, қайтып келіп, бәрі үшін кешірім сұрады. Мені сүйетінін айтты. «Тұрмысқа шықшы» деді. Бұл күні мен одан суынып, сен жайлы жиі ойлайтын болдым.

Десе де, көзімді жұмып тұрып, келісім бердім.

Саған смс жаздым. «Мен тұрмысқа шығайын деп жатырмын».

Жауап бермедің.

Тойға да келмедің... 

Мен әлі сен жайлы ойлаймын. Іштей. Күйеуім: «Бұрынғыдай емессің, бойыңда бір суықтық бар» дейді...

Ертең «Қозы Көрпеш - Баян Сұлу» Ғашықтар мерекесі екен. Қос мұңлық қосылмай өтіпті жалғаннан. Екеуміз сияқты.

Бұл күні де сен туралы ойлап отырмын. Тек себелей жауған мұңды жаңбыр ғана жүрегіме булыққан жан сырымды ұға алатын сияқты. 

Жаңбыр тынбаса екен. Жаңбырдың астында тұрып жылағанымды ешкім сезбейді.

Мен сені сүйіп қалыппын... Бәрі кеш. 

Кешірші. 

Бақытсызбын...

Дайындаған: Мейіргүл Оңғарова

Сурет: vk.com

Қосылған күні: 14 сәуір 2014, 19:45
Пікірлер
+0
14 сәуір 2014, 21:20

неткен батылсыз, жайбасар жігіт..

+0
15 сәуір 2014, 08:32

Айналаңа айнала бір қарап қой деген сондықтан шығар... немесе біраз уақыт жалғыздықта жүріп көр, кімнің қымбат екенін білесің.

+0
15 сәуір 2014, 09:27

махаббат деген – қосылмау....

+0
15 сәуір 2014, 11:25

4 жыл бойы сезимн айтпай не истеп жур :x

+0
15 сәуір 2014, 12:53

Ондай ақымақ қыздар көп қой )))

+0
15 сәуір 2014, 13:00

ия окінішті. бәрі жаксы болады мұңаймаңыз

+0
16 сәуір 2014, 14:17

оқып отырып мұңайып қалдым... :shock:

+0
16 сәуір 2014, 14:46

Shun gawuktar byl omirde kosulmaidu degenge bir jagunan senem bir jagunan senbeimin. Senetindigimnin bi daleli muna okiga birak ta byl jerde kuz erterk oilansa al jigit batul bolup oz sezimin kuzdun jyregine jetkizip daleldese mymkin kosular ma edi? Okiniwti, okingennen ne paida. Gawuk jandar bir birindi bagalandar!!!!!!!!!!!!!!!!!!!

+0
20 сәуір 2014, 00:21

мен ол кызды тусинем. мени де махаббатым тастап кетти. кеудем канырап бос калды, тура журегимнин орны бос. неге махаббат деген суыйды, ол мени суйем жаным омир бойы деген болатын, казир мен оган ешкандай да кызгануга жол берип журген жокпын, бирак болмашыдан кызганып, сенен суып бара жатырмын дейди неге? мен оны суйем, ол сенбейди маган. але кунге танып билмегеним ба онын мени суйетин, суймейтинин де билмеймин. ол алыста мен шарасызбын............ :( :( :(

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.