Чемпиондар лигасы ширек финалының жеребесі тартылды
Фото:
uefa.com
Футболдан Чемпиондар лигасының ширек финалында бір-бірімен кездесетін командалар белгілі болды. Дүбірлі доп додасының жеребе тастау рәсімі Швейцарияның Ньон қаласында өтті.
Салтанатты шараға 2004 жылғы "Алтын доп" иегері Андрей Шевченко қатысты.
Ширек финалдағы жеребе нәтижесі төмендегідей:
"Барселона" (Испания) - "Рома" (Италия);
"Севилья" (Испания) - "Бавария" (Германия);
"Ювентус" (Италия) - "Реал" (Испания);
"Ливерпуль" (Англия) - "Манчестер Сити" (Англия).
Командалар арасындағы алғашқы ойындар 3-4 сәуір аралығында өтеді. Қарымта кездесу бір аптадан кейін өтеді.
2018 жылғы Чемпиондар лигасының финалы Киевте өтеді.
Ө. Сансызбай