Қазақстандық балуан қыздар алғашқы белдесулерінде жеңілді

Қазақстандық балуан қыздар алғашқы белдесулерінде жеңілді
Фото: wrestling.kz

Еркін күрестен боз кілемге шыққан қазақстандық балуан қыздар Жұлдыз Ешімова мен Эльмира Сыздықова Риодағы алғашқы белдесулерінде-ақ жеңіліс тапты.

48 келіге дейінгі салмақта белдесетін Жұлдыз Ешімова алғашқы белдесуінде жапон спортшысы Эри Тосакаға 6:0 есебімен есе жіберді. Ал 69 келіге дейінгі салмақтағы Эльмира Сыздықова ресейлік Наталья Воробьевадан 4:1 есебімен жеңілді. 

Отандастарымыздың қарсыластары финалға өтетін болса, Жұлдыз бен Эльмира жұбаныш белдесу арқылы қола жүлдеге таласатын болады.

Ө. Сансызбай