Сабақ жоспары: Шеңбер және дөңгелек. Радиус және диаметр (Математика 4-сынып)

26 қараша 2014, 13:11

Уразымбетова Алтын Маратқызы, Алматы қаласы, Алмалы ауданы, Б.Атыханұлы атындағы №36 гимназияның бастауыш сынып мұғалімі

Сабақтың тақырыбы: Шеңбер және дөңгелек. Радиус және диаметр.

Сабақтың мақсаты: Білімділік:«радиус» және «диаметр» туралы түсініктерін қалыптастыру,берілген радиусы және диаметрі бойынша шеңбер сызуды үйрету, өтілген есептеу тәсілдерін бекіту, есеп шығару дағдыларын жетілдіру.

Дамытушылық: есептерді әртүрлі тәсілмен шығару, есептеу дағдыларын жетілдіру.

Тәрбиелік: көркем,сауатты жазуға баулу.

Сабақтың түрі: жаңа сабақ.

Әдіс-тәсілі: түсіндіру, топпен практикалық жұмыс, оқулықпен жұмыс.

Көрнекілік: кесте, тақта, интерактивті тақта.

Сабақтың барысы:

І. Ұйымдастыру кезеңі

- Сабаққа қажетті құралдарын тексеру.

- Психологиялық дайындық.

ІІ. Жаңа сабаққа мақсат қою.

- «Радиус» және «диаметр» туралы түсініктерін қалыптастыру, берілген радиусы және диаметрі бойынша шеңбер сызуды үйрету;

- Өтілген есептеу тәсілдерін бекіту, есеп шығару дағдыларын жетілдіру.