2-3 маусым күндері өткен ҰБТ нәтижесі

Бүгінгі күнге дейін ұлттық бірыңғай тестілеудің екі күні өткізілді. 2-3 маусым күндері өткізілген тестілеуге 37066 бітіруші қатысты, соның ішінде қазақ тілінде – 26592, орыс тілінде – 10474 бітіруші тестілеу тапсырды, - деп хабарлайды Massaget.kz тілшісі. 

Тестілеудің екі күнінде мүмкін болған 125 балды 2 бітіруші жинады:

- Ердосова Гүлнәз Жандосқызы, «Қазақ классикалық Б.Момышұлы атындағы №45 гимназия», тестілеуді М.Х.Дулати атындағы Тараз мемлекеттік университетінің базасындағы ҰБТӨП-те (Тараз қаласы) тапсырған;

- Мұстафина Риана Еркінқызы, «№59 мектеп-лицей ММ-і», тестілеуді Қазақ гуманитарлық заң университетінің базасындағы ҰБТӨП-те (Астана қаласы) тапсырған.

Тестілеу бірінші күні 48 ҰБТӨП-тің, екінші күні 59 ҰБТӨП-тің базасында өткізілді.

Тестілеудің бірінші күнінің нәтижесінде тыйым салынған заттарды қолданған және аудиторияда тәртіп бұзған үшін 33 бітіруші тестілеуден шығарылды, оның ішінде:

- тестілеуге кіргізу барысында бөтен тұлға ұсталған – 3 бітіруші;

- тестілеу өткізу барысында бөтен тұлға ұсталған – 19 бітіруші;

- ұялы байланыс телефондарын пайдаланған – 8 бітіруші;

- тестілеуге берілген уақыт аяқталған кезде емтихан материалдарын тапсырудан бас тартқан – 1 бітіруші;

- емтихан материалдарын бүлдірген – 1 бітіруші;

- рацияны қолданған – 1 бітіруші.

Келесі кестеде ҰБТ-ның қысқаша нәтижелері келтірілген: