Ермек Тұрсыновтың "Жат" фильмі "Оскар" жүлдесіне ұсынылды

Қазақстандық режисер Ермек тұрсыновтың "Жат" фильмі  "Оскар" киноакадемиясының жүлдесіне ұсынылды, - деп хабарлайды Hollywood Reporter. Бұл туралы Tengrinews.kz жазды.

"Жат" фильмі өмірде болған оқиғаларға негізделген, онда 30-жылдары өмірден баз кешіп, тауда ғұмыр кешуге кетіп қалған Ілияс есімді ер адамның басынан кешкен жайттар баяндалады. Бостандығын сақтау үшін ол қоғамдық қысымға тап болады. Айта кетейік, "Жат" фильмінің сценарийін Ермек Тұрсынов 25 жыл бұрын диплом жұмысы үшін жазған.

Фильмнің түсірілім жұмыстары 2014 жылдың қарашасында аяқталған. Кино Алматы облысының тауларында түсірілді. "Жат" лентасы қазір постпродакшн кезеңінде. Фильмде негізгі рольде "Келін" лентасы арқылы таныс Ержан Нұрымбет ойнайды. Сонымен қатар, фильмге Ерболат Тоғұазқов, Элина Абайқызы, Қуандық Қыстықбаев, Карпов және Роза Хайруллина түсті. Композитор - Қуат Шілдебаев.