Оқи отырыңыз

Биікке көтерілгісі келетін адам баспалдақ жасап шығады.

Автор: Жапон мақалы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Адалдық, адамгершілік, достық, ізгілік, ынтымақ туралы (III бөлім)

Адалдық, адамгершілік, достық, ізгілік, ынтымақ туралы (III бөлім)

Адалдық, адамгершілік, достық, ізгілік, ынтымақ туралы (III бөлім)

Ақылы аздың азабы көп.

***
Ақымақтың үлкен-кішісі болмайды.

***
Аңқау бөрі қой үркітеді,
Ақылсыз адам ел үркітеді.

***
Ақылдыға ишарат,
Ақымаққа таяқ.

***
Ақылы жоқтың арманы жоқ.

***
Берместің үйінде бесті қымыз тұрады.

***
Ымды білмеген, дымды білмейді.

***
Түлкінің қызылдығы өзіне сор.

***
Екі кеменің құйрығын ұстаған суға кетер.

***
Ұялмаған бұйырмағаннан татар.

***
Жаужұмыр жақсы болса,
Итке тастар ма еді.

***
Мал кедейлігінен,
Ақыл кедейлігі жаман.

***
Ашулының алдында тұрма.

***
Аңқау аңдамайды,
Әңгі тыңдамайды.

***
Баста ми жоқ болса,
Екі аяққа күш түсер.

***
Аузында әзілі жоқтың,
Қолында масқарасы бар.

***
Пейілі жаманға пәле жолығады.

***
Көпсінген азға жегізер.

***
Ұрыншақ ат арық болар,
Көңілшек жігіт жарлы болар.

***
Күншілдің күні қараң.

***
Арамзаның құйрығы бір-ақ тұтам.

***
Көк долыдан дәу пері қашыпты.

***
Өзінің түйедей мінін көрмей,
Біреудің түймедей мінін көрер.

***
Өзім білем өрге апармас.

***
Ақылы жоқ басқа,
Адырайған көз бітеді.
Дуасы жоқ ауызға,
Судыраған сөз бітеді.

***
Азды алмаған, көптен құр қалады.

***
Берместің сылтауы көп.

***
Аталы сөзге арсыз таласады.

***
Шын жомарт жоқтығын білдірмес.

***
Ақкөңілден арамдық шықпас,
Арамдық шықса да жамандық шықпас.

***
Өз ақылын шамалаған қор болмас.

***
Сыпайы сырын жасырмайды.

***
Сыпайыны үйде көрме, түзде көр.

***
Арғымақтың белгісі,
Аз оттар да көп жусар.
Асыл жігіт білгісі,
Аз сөйлер де көп тыңдар.

****
Күлме досыңа, келер басыңа.

***
Көзіне қарама, сөзіне қара.

***
Кең болсаң кем болмайсың.

***
Бастан құлақ садаға.

***
Ақылдының алдымен жүр,
Ақымақтың артымен жүр.

***
Түсі игіден түңілме.

***
Дос жылата айтар,
Дұшпан күлдіре айтар.

***
Арлы арына қараса,
Арсыз жеңдім дейді.

***
Жамандық жақын, жақсылық алыс.

***
Жамандықты көп қусаң,
Құтылмас пәле жолығар,
Жақсылықты көп қусаң,
Бақ-әулетің молығар.

***
Жақсылық ағаш басында,
Жамандық аяқ астында.

***
Жас-жастың тілегі бір,
Жібектің түйіні бір.

***
Қолы жетпеген кәріп.

***
Досыңнан түйе сұрасаң,
Ұялғанынан бие берер.

***
Теңін тапса, тегін бер.

***
Әсіре қызыл тез оңар.

***
Тентек шоқпар жинар.

***
Бет көрсе, жүз ұялады.

***
«Сіз» деген әдеп,
«Біз» деген көмек.

***
Айтпаса жүректен кетеді,
Тартпаса білектен кетеді.

***
Сыйласаң, сый көрерсің.

***
Ашу арындайды,
Ақыл соңынан аяңдайды.

***
Ашу тұрған жерде, ақыл тұрмас.

***
Құтырғаннан көз ақы алады.

***
Аурудан әдет жаман.

***
Ақылдан ашу көп болса, ақыл кетер,
Ашудан ақыл көп болса, ашу не етер.

***
Судың түбін шым бекітер,
Даудың түбін қыз бекітер.

***
Ит дегенге ашуланып,
Күшік десең күледі.

***
Көкірек байғұс текірек қағар.

***
Жығылған күреске тоймас.

***
Бетің қисық болса, айнаға өкпелеме.

***
Мал шөпке, адам сөзге тоқтайды.

***
Өлі бураның басымен,
Тірі атанды қорқытады.

***
Бүлінген елден бүлдіргі алма.

***
Дария жанынан құдық қазба.

***
Бермес астан дәметпе.

***
Асы бар аяқтан аттама.

11214 5
Рейтинг: +0

Дайындаған: Жұлдыз FM
Қосылған күні: 02 ақпан 2012, 15:41
Пікірлер
+0
02 ақпан 2012, 16:29

Мал шөпке, адам сөзге тоқтайды. Көп сөйлеп бара жатқанда осыны еске алу керек. )

+0
02 ақпан 2012, 16:32

Қазір кейбір адамдар да шөпке тоқтап жүр ғой.

+0
02 ақпан 2012, 16:33

Уаххаха, кетші қуғынбай ))))

+0
02 ақпан 2012, 16:43

Өте орынды өмірден алынған өнегелі сөздер ғой.

+0
02 ақпан 2012, 16:54

Ит дегенге ашуланып,
Күшік десең күледі.........................күлкіден өлдім )

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

"Папаңнан" ұят болмасын...

Мен ұғынып болмаған тәрбие

Құлағыңды кесіп алайын ба?!
Құлағыңды кесіп алайын ба?!

Құлақ есту үшін бе әлде бастың пішінінің әдемілігі үшін бе?

Өмірдің өзі үлкен қоңырау секілді...
Өмірдің өзі үлкен қоңырау секілді...

Өмірдің симфониясы болған сыңғырлар.

БУВЕ НҮКТЕСІ
БУВЕ НҮКТЕСІ

"Олардың тарихы" беллетристикасынан

Автор: Мерей Қосын

Соңғы аудармалар

EXO – For Life [kaz_sub]
EXO – For Life [kaz_sub]

Оңтүстік кореялық-қытайлық бойз-бэнд EXO "For Lifе" бейнебаянымен қайта оралды. К-поперлер жақсы білетіндей, 2016 жылдың 5 қазанында S.M. Entertainment EXO-ның ізбасары EXO-CBX тобын таныстырды. "For Life" бейнебаянын Lvoe фансаб-тобы қазақша субтитрмен ұсынып отыр. Көрейік! 

JESSICA – Wonderland [kaz_sub]
JESSICA – Wonderland [kaz_sub]

Джессика Чон – корей-американ тегінен шыққан әнші, биші, актриса, модель. АҚШ-тың Калифорния штатында туған. Ағылшын, корей тілдерін жетік меңгерген. Girls’...

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда...