Оқи отырыңыз

— Редактор бағаны —

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Ұрлық, ұят, ынсап, пейіл туралы

Ұрлық, ұят, ынсап, пейіл туралы

Ұрлық, ұят, ынсап, пейіл туралы

Ұрлық, ұрлықтың түбі қорлық.

***

Атақты ұры аштан өледі.

***
Ұры түн асқанша,
Қасқыр дөң асқанша.

***
Ұры – қарынның серігі.

***
Ұрыға мал құтаймас.

***
Бұзауды ұрлаған, өгізді де ұрлайды.

***
Сезікті секіреді.

***
Ұрымен жақын болсаң, ұятқа қаласың.

***
Жортуылшының басы жолда қалады.

***
Елін сатып асаған,
Екі күн ғана жасаған.

***
Ұры өле өлгенше ақпын дейді.

***
Ұрысы күшті болса, иесі өлер.

***
Қолағышы күшті болса,
Киіз қазық жерге кірер.

***
Өтіріктің құйрығы бір-ақ тұтам.

***
Әркім сүйгеніне сәлем береді.

***
Інгенімді қараймын деп,
Мінгенімнен айырылдым.

***
Бір аяқ қымыздың, екі аяқ желі болды.

***
Ұялған сыбағасының құр қалар.

***
Мысқыл, мысқылдың түбі мүшкіл.

***
Жаманға жалынғанша,
Жат та жаныңды қарман.

***
Ашыққаннан, құныққан жаман.

***
Жуастан жуан шығады.

***
Тышқан ініне ене алмай жүріп,
Құйрығына қалжуыр байлайды.

***
Дәніккен қарсақ құлағымен ін қазар.

***
Мешкейдің өзі тойса да, көзі тоймайды.

***
Жарамасақтанған ит жатқанша таяқ жейді.

***
Жуас түйе жүндеуге жақсы.

***
Біреудің атанына дегені,
Өзінің ботасына көрінер.

***
Сенің атың тұра тұрсын,
Менің атым жүре тұрсын.

***
 Ақкөңілді адамға, біреудің сырқаты да батады.

***
Жорғалымен жолдас болма, жолда қаларсың.

***
Пайдасы жоқ бардан без,
Панасы жоқ сайдан без.

***
Басым бар деп топтанба,
Малым бар деп мақтанба.

***
Өзі тоймағаннан сарқыт дәметпе.

***
Біреу тойып секіреді,
Біреу тоңып секіреді.

***
Жүре берсең, көре бересің,
Көре берсең, көне бересің.

***
Көрпеңе қарап көсіл.

***
Аттан айырылсаң да,
Ер тоқымнан айырылма.

***
Алтын ерің атқа батса,
Алтынын алда отқа жақ.

***
Бар болса аспа, жоқ болса саспа.

***
Үйіңе келгенге, үйдей өкпеңді айтпа.

***
Қарақұрт жеп қой семіреді,
Қансоқта жеп ит семіреді,
Пара жеп би семіреді.

***
Жарлылық ұят емес, байлық мұрат емес.

***
Жарлылығын жасырған байымас.

***
Жоққа тары ботқа болмас,
Ботқа болса, жұртқа болмас.

9456 0
Рейтинг: +1

Дайындаған: Жұлдыз FM
Қосылған күні: 17 қаңтар 2012, 13:20
Пікірлер

Бұл жазбаға әлі пікір жазылған жоқ. Бірінші болып пікір білдіріңіз.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Димаш атақты ма, Головкин атақты ма?
Димаш атақты ма, Головкин атақты ма?

Бірі – Батысты, бірі – Шығысты мойындатқан, мойындатып жүрген тұлғалар.

ҚАЗІРГІ АУЫЛ
ҚАЗІРГІ АУЫЛ

Ауыл неге өзгеріп кетті?

СОҢҒЫ ЫСҚЫРЫҚ
СОҢҒЫ ЫСҚЫРЫҚ

Футбол, ЕУРО-2016

Әр қазақ менің жалғызым!
Әр қазақ менің жалғызым!

Шетелдегі қандастарымыз туралы, қазақтың қошы-қон саясатының олқылықтары жайлы


Соңғы аудармалар

38-параллель
38-параллель

Ел: Оңтүстік Корея Режиссер: Кан Джегю Жылы: 2004 Басты рөлдерде: Чан Дон Ган, Вон Бин Аударған: Ғалымжан Сәңкібаев

Хён/ Аға/ Brother
Хён/ Аға/ Brother

Ел: Оңтүстік Корея Жыл: 2016 Режиссер: Квон Су Гён  Сценарийін жазған: Ю Ён А  Аударған: Ғалымжан Сәңкібаев Басты рөлдерде: ДИО (Exo тобының әншісі) мен Чо...

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман...