Отан, Туған жер, ел-халық туралы

Отан, Туған жер, ел-халық туралы

Ел мен жер егіз.

***

Ел іші алтын бесік.

***

Жері байдың елі бай.

***

Отан – қуат,

Отбасы – шуақ.

***

Есің барда елің тап.

***

Көп ел – сарқылмас көл.

***

Көп ісінде береке.

***

Егемен елдің еңсесі биік.

***

Көп өайда болса – құдай сонда.

***

Көптің күші көлдей,

Көшіп жүрген елдей.

***

Еліңе қарап, ертеңіңе қамдан.

***

Көп түкірсе – көл бола

***

Көп біріксе – ел болар,

Көп тілегі көл болар.

***

Әркімнің өз жері – Мысыр шаһары.

***

Көп жабылса жоқ табылады.

***

Көп ауызы дуалы.

***

Көп адаспас, көл таусылмас.

***

Көп тілесе алар,

Күн бұлттанса жауар.

***

Көппен көргеннің арманы жоқ.

***

Көп қорқытады, терең батырады.

***

Жалғыздың жоғы жоғалса табылмайды,

Көптің жоғы жоғалса табылады.

***

Көп дауыс қосылса,

Бір дауысты жоқ қылады.

***

Көптен қоян қашып құтылмас.

***

Көп білсең де, көптен артық білмейсің.

***

Көппен тентек болсаң да,

Көпке тентек болма.

***

Көптен шыққан көмусіз қалады.

***

Адассаң көппен адас.

***

Көпке топырақ шашпа.

***

Халық  айтса қалып айтпайды.

***

Халық  сөзі қаһарлы.

***

Ерден аспақ болса да,

Елден аспақ жоқ.

***

Ел ағасыз болмас,

Тон жағасыз болмас.

***

Орта жүзді қамшы беріп дауға қой,

Ұлы жүзді қауға беріп малға қой,

Кіші жүзді найза беріп жауға қой.

***

Данышпан айтса, ел айтқаны,

Елдің қамын жеп айтқаны.

***

Кемеңгер кеңес таппай қоймас.

***

Талайлымен таласпа.

***

Сумен ойнама батарсың,

Отпен ойнама жанарсың.

***

Шықпаған егіннен жер бүлінеді,

Олақ бастықтан ел бүлінеді.

***

Көптен жақсылық құтылмайды,

Аздан азап арылмайды.

***

Көп толқыса ер құлайды,

Көл толқыса жар құлайды.

***

Елің – панаң,

Жерің – анаң.

***

Өз елің өзекке теппес.

***

Ауылым – алтын бесігім.

***

Көш басшысы жоқ ел оңбайды,

Құралай бастаған киік оңбайды.

***

Өзбек өз ағам.

***

Ел жаусыз болмас,

Жер таусыз болмас.

***

Жері байдың – елі бай.

***

Қазақтың осы жер дегені, көш жер.

***

Ақбөкенді жатыр деме,

Көшпелі елді отыр деме.

***

Елдестірмек – елшіден.

***

Елде бір тентек жүрмей ме.

***

Елу жылда ел жаңа.

Жүз жылда қазан.

***

Қырықтың бірі қыдыр.

***

Ел жасымен көрікті,

Тау тасымен көрікті,

Аяқ асымен көрікті.

***

Ер – жалғыз,

Ел – көп.

***

Өз елің – алтын бесік.

***

Елдің күші елу батпан.

***

Кісі елінде сұлтан болғанша,

Өз еліңде ұлтан бол.

***

Елде болса ерінге тиер,

Ауылда болса, ауызға тиер.

***

Ел дегенде езіліп,

Жұрт дегенде жұмылып істе.

***

Ит тойған жеріне,

Ер туған жеріне.

***

Өз еліңнің иті де қадірлі.

***

Туған жердің түтіні де тәтті.

***

Танымайтын жердің ой-шұқыры көп.

***

Адалдық үшін арыдым деме.

***

Кеңеспен кескен бармақ ауырмайды.

***

Кеңеспен кескентон келте болмас.

***

Кімнің жерін жерлесең,

Соның жырын жырларсың.

***

Туған жерің түсіңе кіреді.

***

Өз елім – өлең төсегім.

***

Сарала қаз көлін сағынар.

***

Жеріне қарай жемісі.

***

Өз елімнің басы болмасам да,

Сайынның тасы болайын.

***

Ел қариясы – ел қазынасы.

***

Елінен безген оңбайды,

Көлінен безген қонбайды.

***

Құлан кісінесе үйір жиналар.

***

Отан - оттан да ыстық.

***

Отансыз адам,

Ормансыз бұлбұл.

Сурет kaliolla.com сайтынан алынған.

Ж. FM