Тамагочидің жаңа түрі шығады

Тамагочидің жаңа түрі шығады
Фото: Toru Hanai / Reuters

Біреу білер, біреу білмес. Телефон дамып, смартфондағы ойындар шықпай тұрып тамагочи деген ойын болған. Ойын болғанда да, арнайы ойыншық. Өткен ғасырдың соңы мен жаңа ғасыр басында бұл ойыншық танымал әрі зор сұранысқа ие болды.

Жапонияның Bandai компаниясы жасаған ойыншық балаларды аса қатты қызықтырды. Үлкендігі - кішкентай жұмыртқа тәрізді болды. Ойынның мақсаты - құрылғы ішіндегі үй жануарын күту, баптау, тамақтандыру. Қарамай қалсаң, көз жұмады.

Компания бұрынғы ойындарын қайта жаңғыртуды қолға алған. Жаңа ойыншыққа Tamagotchi On деп ат берген. Бұрынғысынан айырмашылығы да баршылық. Диагоналы 2,25 дюйм монохронды дисплеймен жабдықталған. Ал батырмалар саны бұрынғыдай үшеу болып қалған.

Ойынның жаңа түрінде үй жануары көршілеріне қыдырып бара алады. Тіпті, өз теңін тауып, балалы-шағалы да болады. Бір құрылғыда 16 ұрпаққа дейін өсіру мүмкіндігі жасалған.

Tamagotchi On ойыншығын смартфонмен де байланыстыруға болады. Бұл өзге ойыншылармен кейіпкерлерді ауыстыруға мүмкіндік береді. Сондай-ақ сыйлықтар мен қосымша сыйақылар да алуға болады.

Ойыншық сатылымға шілде айының соңында шығады. Нарықтағы бағасы 59 доллар 99 цент болмақ. Теңгеге шаққанда 22 800 теңге шамасында болады.

Н. Үсенова