Samsung Galaxy Note Pro 12.2 10 планшетіне шолу
Смартфондардың диагоналі жыл өткен сайын өсіп келеді. Ал планшеттер болса керісінше жыл сайын кішірею үстінде. Бірақ Samsung компаниясы олай ойламайтын сияқты. Олар гаджеттер әлеміне жаңа тренд алып келгендей. Назарларыңызда 12 дюймды Android планшеті. Оның ішіндегі Note атты түрі. Біз бұл атаумен негізінен аттас смартфоннан таныспыз. Операциондық жүйесіне біраз өзгеріс енгізілген жаңа планшет қолданушыларына жол тартпақ.
Сонымен Galaxy Note Pro 12.2 алып планшетімен таныс болыңыз. Біз тек оның салмағы мен кейбір функциялары жөнінде әңгіме қозғайтын боламыз. Ал оның сипаттамаларына қатысты толық мәліметті ең соңында кестеде келтіреміз.
Samsung Galaxy Note Pro 12.2 10 планшетінің 10 дюймды Apple iPad Air (сол жақта) және Samsung Galaxy Note 10.1 2014 Edition (оң жақта) құрылғыларымен салыстырмасы
Жаңа Note планшетін тасымалдау жағынан келсек, ол классикалық 10-дюймды планшеттерден еш айнымайды. Рюкзак немесе сөмкеге еш қиындықсыз сыйып кетеді. Ал оны қолда ұстап тұруға келсек, оның біраз қиындық туғызатынын айта кетейік. Салмағы бақандай 755 грамм.
Samsung Galaxy Note Pro 12.2 планшетін екі бірдей Apple iPad mini-мен салыстырғанда
Салмағы ауыр бұл планшетті үнемі қолда ұстап жүрудің өзі бір қиын іс. Сондықтан бұл үлкен кемшілік екені даусыз.
Алайда бұл мәселені қап көмегімен шешуге болар еді. Бірақ бұл мәселеде де өзінің қиындықтары бар. Мысалы эпплдік Smart Cover қабының салмағы 200 граммды құрайды. Ал біздегі планшеттің салмағын есепке алсақ, онда оған кем дегенде 400 граммнан кем емес қап қажет болатынын анықтаймыз. Сонда оның жалпы салмағы қандай болмақ? Ойлаудың өзі қорқынышты. Сондықтан да мүмкін аталған компания қызметкерлеріне гаджеттің артына қоятын тірегішті қоса жасауға болмас па еді деген тілегіміз жоқ емес. (Мысалы, Lenovo конструкциясы сияқты). Егер жағдай дәл осылай жалғаса беретін болса, Samsung қолданушыларын алдағы уақытта да жайлы әрі жеңіл өнімдер (әрине тек планшеттерге қатысты) күтіп тұр деп айта алмаймыз.
Төмендегі суретте Note модельдерін онсыз елестету мүмкін емес қалам көрсетілген.
Планшетпен бірге
Планшеттен шығарғанда
Кейбір терезе командалары өз туысы Galaxy Note 10.1 құрылғысындағы қызметтермен сәйкес келеді.
Бір ерекшелігі қаламның көмегімен дисплейге басқан кезде тура Note 3 смартфонындағыдай жылдам командалар мен баптаулар шыға келеді.
Терезедегі кейбір қосымшалар мен функциялар
| Samsung Galaxy Note Pro 12.2 LTE (SM-P905) аппаратының техникалық сипаттамалары | |
| Дисплей | 12,2 дюйм, 2560x1600 (247 ppi), PLS |
| Сенсорлы экран | Көлемді, 10 рет бір уақыттағы жанасу |
| Ауа қабаты | Жоқ |
| Олеофобты жабын | Бар |
| Поляризациялы фильтр | Бар |
| Процессор | Qualcomm Snapdragon 800 MSM8974: |
| Гарфикалық басқару | Qualcomm Adreno 330 |
| Оперативті жады | 3 Гбайт LPDDR3-1600 |
| Флеш-жады | 32 Гбайт (24 Гбайт қолжетімді) + MicroSD |
| Қабылдайтын сыртқы құрылғылар | 1 х Micro-USB 3.0 (MHL) |
| Ұялы байланыс | 2G/3G/4G Модем Qualcomm MDM9x25 ( процессорге орнатылған), трансивер Qualcomm WTR1605/L |
| 2G ұялы байланысы | GSM/GPRS/EDGE 850/900/1800/1900 МГц |
| 3G ұялы байланысы | DC-HSPA+ (84 Мбит/с) 850/900/1700/1900/2100 МГц |
| 4G ұялы байланысы | LTE Cat. 4 (150 Мбит/с) band 1, 3, 5, 7, 8, 20 (2100/1800/850/2600/900/800 МГц) |
| Wi-Fi | 802.11a/b/g/n/ac, 2,4/5 ГГц |
| Bluetooth | 4.0 |
| ИК-порт | Бар |
| Навигация | GPS, A-GPS, ГЛОНАСС |
| Датчиктер | Жарықтандыру датчигі, акселерометр/гироскоп, магнитометр (цифрлы компас) |
| Негізгі камера | 8 Мп (3264x2448), автофокус, диодты жарық |
| Фронтальды камера | 2 Мп (1920x1080), автофокуссыз |
| Қайдан қуат алады? | Алынбайтын аккумулятор |
| Өлшемі | 296x204 мм |
| Салмағы | 755 г |
| Ылғал мен шаң-тозаңнан сақтау қорғанысы | Жоқ |
| Операциондық жүйесі | Google Android 4.4 (KitKat) |
| Алдын ала болжанған бағасы | 150 000 теңге |
Дайындаған: Болат Қосмағамбет
Сурет: phonesreview.co.uk
Б. Қосмағамбет