Мэттью Маклин: "Мен Головкиннен тәжірибе мен кәсіби шеберлігім арқасында басым түсемін"

Қазақстандық боксшы, WBA және IBO тұжырымдары бойынша әлем чемпионы Геннадий Головкиннің болашақ қарсыласы британдық Мэттью Маклин алда болатын жекпе-жекте өзінің әлем чемпионынан басым түсетінін мәлімдеді. Оған себеп ретінде ол өзінің мол тәжірибесі мен кәсіби шеберлігін алға тартты.

"Жекпе-жек стилі жағынан Голвкин менің өткен жолғы қарсыласым Серхио Мартинеске қарағанда маған сай келеді. Мен Головкинді чемпион ретінде құрметтеймін. Бірақ жеңіс менің жағымда болатынын сеземін. Өткен кездесулерде жинаған тәжіибелерім мені тек жеңіске жетелейді. Гена чемпион болса да, мен Головкиннен тәжірибе мен кәсіби шеберлігім арқасында басым түсемін",-дейді Маклиннің сөзіне сілтеме жасаған Boxingscene.

Естеріңізге салсақ, Головкин мен Маклин арасындағы кездесу 29-маусымда АҚШ-тың Машантукетінде Foxwoods Resort Casino-да өтеді. Кездесуді атақты HBO телеарнасы тікелей эфирден көрсетпек. 

Дайындаған: Болат Қосмағамбет

сурет: skaraganda.com