Оқи отырыңыз

— Редактор бағаны —

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Спорт / Жаңалықтар / Иван Дычко: «Әлем Чемпионатында топ жарсам деймін»

Иван Дычко: «Әлем Чемпионатында топ жарсам деймін»

Иван Дычко: «Әлем Чемпионатында топ жарсам деймін»

Ертең Астананың “Дәулет” спорт кешенінде Әзірбайжан, Украина, Өзбекстан және Қазақстан құрамалары арасында бокстан дәстүрге айналған “Үздік төрттіктің” бейресми жарысы өтеді. Осы жарыс алдында Массагет порталының тілшісіне бокстан Қазақстан Ұлттық құрамасының боксшысы, Лондон Олимпиадасының күміс жүлдегері Иван Дычко сұхбат берген еді.

—  Иван, алдағы “Үздік төртеудің” додасына дайындығыңыз қалай?

—  Дайындығым жақсы. Әдеттегідей қалыпта дайындалып жатырмын. Дегенмен ринг төріне шықпағаныма біраз уақыт болып қалыпты. Сондықтан маған ертең шамалы қиындау болатын шығар. Әрбір қарсыласымды мұқият зерттейтін боламын. Құрама сапындағы жігіттер де жатпай-тұрмай дайындықтарын пысықтауда. “Үздік төртеудің” турнирінде жеңіске жетеміз деген ойдамын.

   Жалпы жаңа маусымға дайындықты қашан бастадыңыздар? 

—  Мен Лондон Олимпиадасынан кейін ұзақ дем алдым. Көп уақытымды отбасыммен бірге өткіздім. Дегенмен қолым қалт еткен сәтте өзімнің физикалық күшімді қалыпта сақтау үшін спортзалдарға барып тұрдым. Ал жаңа маусымға дайындықты жылдың басында бастадық. Бүгінде Астанада дайындалып жатырмыз.

—  Жаңа жылдың басында бокстан Ұлттық құраманың капитаны анықталды. Жаңа капитанды қалай таңдадыңыздар?

— Лондон Олимпиадасының чемпионы, Баркер кубогінің иегері Серік Сәпиев спортпен қош айтысқан соң, бізге жаңа капитан таңдау керек болды. Біз ұжыммен жиналып, бір ауыздан Данияр Елеусіновті капитан деп таңдадық. Бұл атақты Данияр алдағы уақытта абыроймен атқаратынына сенімдімін.

— Соңғы уақыттарда сіз WSB сериясында еліміздің намысын қорғайтын «Астана Арланс» командасында өнер көрсететін болды деген әңгіме шықты. Расында да елордалық бұл кәсіпқой бокс командасының сапында өнер көрсететін болдыңыз ба? 

—  Мен «Астана Арланс» командасымен ресми келісім-шарт жасасқан жоқпын. Мүмкін бұл команда сапында алдағы уақытта бір-екі кездесу өткізетін шығармын.

— Осы жылдан бастап әуесқой боксшылар бас киімін шешіп жұдырықтасатын болды. Сізге бас киімсіз жұдырықтасу ыңғайлы бола ма?

—  Мен әлі де болса шлемсіз жұдырықтасқан жоқпын. Меніңше, бас киімсіз жұдырықтасу ыңғайлы болады. Дегенмен денсаулыққа айтарлықтай зиян келтіретіні де жасырын емес.

— 2013 жылы алдыңызға қандай мақсаттар қойдыңыз?

— Ең бірінші мақсатым өзімнің физикалық күшімді қалпына келтіріп, елімізде өтетін Әлем Чемпионатында топ жарсам деймін.

— Әңгімеңізге рақмет! 

Сұхбаттасқан: Уалихан Қосанбай

Cурет: tengrinews.kz, kursiv.kz, sports.kz

344 0
Рейтинг: +0

Дайындаған: ЮРИЙ НИКУЛЛИН
Қосылған күні: 13 ақпан 2013, 16:04
Пікірлер
+0
13 ақпан 2013, 14:51

Астанад дайындалып жатқан жігіттен тек жеңіс күтеміз. Тек әнеу жолғыдай, Лондон олимпиадасындағыдай бұрып жібермесе болды

+0
13 ақпан 2013, 16:52

Сәттілік!

+0
13 ақпан 2013, 18:10

аман болсын! жеңіс әкелсін

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

ҚАЗІРГІ АУЫЛ
ҚАЗІРГІ АУЫЛ

Ауыл неге өзгеріп кетті?

СОҢҒЫ ЫСҚЫРЫҚ
СОҢҒЫ ЫСҚЫРЫҚ

Футбол, ЕУРО-2016

Әр қазақ менің жалғызым!
Әр қазақ менің жалғызым!

Шетелдегі қандастарымыз туралы, қазақтың қошы-қон саясатының олқылықтары жайлы

Мен де адаммын!
Мен де адаммын!

Атымды адам қойған соң, Қайтіп надан болайын?

Автор: <ҚАЗАҚ> ...

Соңғы аудармалар

Хён/ Аға/ Brother
Хён/ Аға/ Brother

Ел: Оңтүстік Корея Жыл: 2016 Режиссер: Квон Су Гён  Сценарийін жазған: Ю Ён А  Аударған: Ғалымжан Сәңкібаев Басты рөлдерде: ДИО (Exo тобының әншісі) мен Чо Джон Сок 

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман...

Секундына 5 сантиметр
Секундына 5 сантиметр

Түпнұсқа атауы - Byôsoku 5 senchimêtoru Орысша атауы - 5 сантиметров в секунду Мемлекет: Жапония Жылы: 2007 Түрі: аниме Режиссері: Макото Синкай Жанры:...