Каталондық «Барселона» командасының бұрынғы бас бапкері Хосеп Гвардиола жуық арада орнынан кететін «Манчестер Юнайтедтің» жетекшісі Алекс Фергюсонның орнын басуы мүмкін. Бұл туралы британдық The Sun басылымы хабарлайды.
Басылымның хабарлауынша, «қызыл сойқандардың» бас бапкері жаңажылдық мерекені өткізу үшін барған Нью-Йорк қаласына сапарында Гвардиоламен жасырын кездесіпті-мыс. Бұл кездесуде испандық маманның алдағы уақыттағы жұмыс орны туралы да әңгіме қозғалған екен.
Келер жылы шотландиялық маман сэр Алекс Фергюссон 71 жасқа толады. Сондықтан ол 26 жылға созылған «МЮ»-дегі бас бапкерлік қызметтен кетпек ойы бар екен.
The Sun басылымының мәліметі бойынша, егер Фергюссон өз орнынан кетіп жатса, онда алдағы жылдан бастап «Манчестер Юнайтед» командасының тізгінің испандық маман Хосеп Гвардиола ұстап қалуы мүмкін.
Дайындаған: Уалихан Қосанбай
Сурет:vesti.kz