Данияр Елеусінов кәсіпқой бокстағы алтыншы жеңісіне қол жеткізді

Қазақстандық кәсіпқой боксшы Данияр Елеусінов мексикалық Сильверио Ортисті ұтып, жеңісті жолын жалғады.

Екі боксшы жартылай орта салмақ дәрежесінде жұдырықтасты. 8 раундқа жоспарланған жекпе-жек соңына дейін жалғасты. Отандасымыз төрешілер шешімі бойынша 79-70, 79-71, 79-71 есебімен жеңіске жетті.

Данияр тәжірибелі мексикалық боксшыны жетінші раундта нокдаунға түсірді. Алайда қарсыласы тізерлегеннен кейін соққы жасағаны үшін ескерту алып, бір ұпайынан айырылды. Төреші мексикалық боксшы өз-өзіне келу үшін уақытты созып, жекпе-жекті жалғастыртты.

Қазақстандық боксшы кәсіпқой шаршы алаңдағы ең ұзаққа созылған кездесуін өткізді. Осыған дейін никарагуалық Маркос Мохиямен өткізген жекпе-жегі де сегіз раундқа белгіленген еді. Бұл жекпе-жекте отандасымыз қарсыласын үшінші раундта нокаутпен жеңіп шыққан болатын.

Данияр Елеусінов кәсіпқой бокстағы алтыншы жеңісіне қол жеткізді. Үш жекпе-жегінде қарсыласын нокаутпен ұтты. Ал Сильверио Ортиспен осы жылғы алғашқы кездесуін өткізді.