Зарина Дияс WTA рейтингінде 52 сатыға жоғарылады

Зарина Дияс WTA рейтингінде 52 сатыға жоғарылады
Фото: google.kz

Қазақ теннисшісі Зарина Дияс Әйелдер теннис қауымдастығының (WTA) бүгін жаңарған рейтингінде 52 сатыға жоғарылады. Нәтижесінде 239-орыннан 187-орынға көтерілді.

Өткен аптада Зарина Дияс Қытайдың Чэнчжоу қаласында өткен ІТF санатындағы жарыстың ширек финалына дейін шыққан болатын. Бұл нәтиже отандасымыздың WTA рейтингінде жоғарылауына сеп болды.

Өзге қазақстандық теннисші қыздардың рейтингінде өзгерістер болған жоқ. Юлия Путинцева 31-ші, Ярослава Шведова 51-орында келеді.

Жаңарған рейтингте америкалық теннисші Серена Уильямс қайта көш бастады. Анжелика Кербер екінші орынға сырғыды.  

Ө. Сансызбай