«Қайрат» Еременко кубогының жартылай финалына шықты

«Қайрат» Еременко кубогының жартылай финалына шықты
Фото: afckairat.kz

«Қайрат» футзал клубы Троицкіде өтіп жатқан Еременко кубогының жартылай финалына шықты. Бразилиялық маман Какау жаттықтыратын қазақстандық клуб Беларусь елінің «Столица» клубын 4:0 есебімен ұтты.

Бірінші ойында «Қайрат» Ресейдің «Дина» командасынан 4:2 есебімен басым түскен еді. Бүгін «Столицаны» 4:0 есебімен жеңуінің нәтижесінде жартылай финалға шықты. Команда сапында Хоссейн Тайеби мен Пауло Энрике Кабреуба-Зонардо бір-бір голдан соқса, Михаил Першин дубль жасады.

«Қайраттың» жартылай финалдағы қарсыласы әзірге белгісіз.

Айта кетейік, «Қайрат» Еременко кубогында екі рет жеңімпаз атанған. 2014 және 2016 жылдары жеңіс тұғырынан көрінген болатын.

Ө. Сансызбай