Рио Олимпиадасына баруға қанша ақша қажет?

Рио Олимпиадасына баруға қанша ақша қажет?
Фото: www.zastavki.com

Рио-де-Жанейрода өтетін жазғы Олимпиада ойындарында Қазақстан ұлттық құрамасына жанкүйер болғысы келетіндер 3,8 млн. теңгеге шығындауына тура келеді.

Қазақстан Ұлттық Олимпиада комитетінің ресми билет агенті болып бекітілген «Complete Service» халықаралық туристік агенттік қазақстандық жанкүйерлерге бірегей сапар ұйымдастыруға көмек бермек. Қазақстандықтар Риоға тамыздың 4-і мен 14-і аралығында сапарлап, 11 күн, 10 түн бола алады. Туристерге 3,8 млн. теңгеге (1 доллар 368 теңге бағамымен) жазғы ойындардың ашылуы салтанатын тамашалап жарыстың бес түрін (бокс, ауыр атлетика, дзюдо және қосымша 2 сайыс) көруге мүмкіндік беріледі. Одан бөлек Бразилияға 14-23 тамыз аралығында барып, 10 күн, 9 түн болуға да мүмкіндік бар. Ал бұл туристік топтамаға Олимпиада ойындарының жабылу шарасы және (бокс, ауыр атлетика, күрес және қосымша 2 сайыс) кіреді.

Айта кетейік, 31-ші жазғы Олимпиада ойындары тамыздың 5-21 аралығында Бразилияның Рио-де-Жанейро қаласында өтеді.

Дереккөз: inform

С. Ерсін