Өтешов пен Қыдырбаев Олимпиадаға қатысуы мүмкін

«Допинг қолданды» деп айыпталған Қазақстан ауыр атлеттері Алмас Өтешов пен Жасұлан Қыдырбаев олимпиадаға қатысуы мүмкін. Бұл туралы alaman.kz сайты хабарлап отыр.

«Аламанға» ауыр атлетика саласында жүрген мамандардың бірі қазақстандық спортшылар екі жылға емес, төрт-алты ай көлемінде жаза алуы мүмкін екенін айтты.

«Өтешов пен Қыдырбаев допингті әдейі қолданбағанын дәлелдеуге жақын» - деді аты жөнін айтудан бас тартқан маман.

Алмас Өтешов пен Жасұлан Қыдырбаев Хьюстонда жеңіп алған медалін қандай жағдай болса да қайтарып береді. Бірақ жазасы тамыз айына дейін аяқталып, олимпиадаға қатысуға рұқсат алуы мүмкін.

Ал Қазақстан ауыр атлетика федерациясы Алмас Өтешов пен Жасұлан Қыдырбаевқа қатысты шешім наурыз айында белгілі болатынын айтты.

 Дереккөз: alaman.kz