Давид Лемье: "Головкиннің көзінен әлсіздікті байқадым"
Фото:
vk.com
Орта салмақта IBF жүйесі бойынша әлем чемпионы Давид Лемье қазақстандық боксшы Геннадий Головкинмен өтетін жекпе-жек алдындағы сұхбаттарының бірін ерекше мәлімдемемен аяқтады. Ол отандасымыздың көзінен әлсіздік байқағанын айтқан.
- Мен өзіме ұнаған бір жағдайды байқадым, оны жекпе-жек кезінде қолданамын. Қарсыласпен бетпе-бет келгенде көз алдамайды. Білгім келгенді көрдім. Әлсіздікті байқадым және менде кішкене болса да психологиялық басымдық бар деп есептеймін, - деді канадалық боксшы.
Айта кетейік, осыған дейін Давид Лемье 17 қазан күні «бәрі сескенетін боксшы пайда болады» деген болатын.
Ө. Сансызбай