Пеле: "Месси - кемеліне жетпеген ойыншы"

Пеле: "Месси - кемеліне жетпеген ойыншы"

Әлемдік даңққа бөленген әйгілі ойыншы Пеле "Барселона" командасының ойыншысы Лионель Месси туралы өз ойымен бөлісті.

"Қазір Мессидің ойыны кімге ұнамас? Мен де аргентиналық ойыншының көрерменімін, бірақ, ол - кемеліне жетпеген ойыншы. Баспен ойнауды тіптен білмейді. 

Соңғы уақыттарда мені Мессимен салыстыратындардың қатары көбейіп кетті. Менің ойымша, бұл ақылға қонымсыз. Мен футболда 20 жыл тер төксем, ал ол енді ғана мансап жолын бастап келе жатыр" - дейді Пеле.

Катардың әміршісі Шейх Хамад бин Халифа аль-Тани италиялық "Милан" командасын сатып алуға құлық білдірмек.

Қазіргі таңда Сильвио Берлусконидің қол астына шоғырланған клуб дағдарыс аралығын бастан кешуде. Жаз маусымында командадағы негізгі ойыншыларды сатуға мәжбүр болды.
Бір ақпараттарға сенсек, Берлускони "Милан" командасына 500 миллион евро сұрап отырған көрінеді. Ал бұл қаржы мөлшері катарлық әміршінің ойынан шығып отыр екен-міс.
Естеріңізге сала кетсек, "Милан" командасы 10 ұпаймен біріншіліктің оныншы сатысында тұр. Ал аль-Танидың отбасы қазірдің өзінде Чемпиондар Лигасында "Миланмен" қатар бақ сынасып жатқан испаниялық "Малага" командасына иелік етеді.
Ағылшын футбол қауымдастығы Марк Клаттенбургке толық қолдау білдіріп отыр. Яғни "Челсидің" ойыншылары төрешінің үстінен шағым түсіргеннен соң:

"Біз футболдағы, қоғамдағы расизмнің көзін құртқымыз келеді. "Ақсүйектердің" шағымы мен сол бір ойынды есепке ала отырып, Марк Клаттенбургке толық сенім білдіргіміз келеді. Қазіргі күнде осы істің анық-қанығына көз жеткізіп, дұрыс шешім қабылдауымыз тиіс" - дейді футбол қауымдастығы.

суреттер: chelseablues.ru; tsn.ua; barcaman.ru

Дайындаған: Фараби Арыстанбек

Л. Лига