"Барселона" Мессиге мәңгілік келісім жасамақ

Әлемнің жұлдызды шабуылшысы болып саналып келе жатқан, саналып қала беретін аргентиналық Лионель Мессиге "Барселона" командасы мәңгілік келісім жасамақ. Бұл туралы испаниялық спорт газеті AS хабарлады, деп Евроспорт ақпарат таратуда. 

Аталған басылымның сөзіне сенсек, каталондық клуб мүшелері, яғни директорлар кеңесі Мессимен мәңгілік келісім жасаудың аз-ақ алдында тұрған көрінеді. "Барселонада" мансап жолын аяқтаған Месси" -деген бір ауыз сөз  Сандро Роселдің (аталған команданың президенті) бүгінгі таңдағы жалғыз тілегі болып тұр.

Әңгімені тарқатсақ, 25 жастағы аргентиналық шабуылшының мансап жолы "Барселонамен" тығыз байланысты десек, артық айтқандық емес. Себебі, клуб функционерлері (кейбір елдердегі кәсіпшілер одағы ұйымдарының белсенді жұмысшылары мен қызметкелерінің аты) талантты ойыншыға бала кезінен бастап қызығушылық танытқан болатын. Және балғын жасты қымбатқа болса да емдеп (Леоның 11 жаста бой өсіру гармондарының жетіспеушілігі), отбасымен қосып Испанияға алдырған еді. 

Содан бастап Месси "Барселоның" жастар құрамында өнер көрсетіп, араға біраз жылдарды салып барып, 2004 жылы команданың негізгі құрамына ауысқан-ды. "Блауграна" мен Лионельдің арасындағы келісім 2016 жылға дейін жалғаспақ. Шегінбелі ақша (өзінің құқықтарынан, талаптарынан бас тартушыға берілетін ақша) мөлшері - 250 миллион евро.

Егер де жаңа келісім орын алып жатса, онда шегінбелі ақша көлемі тым-тым қомақты болып кетері сөзсіз. 

сурет:bid.ru

Дайындаған: Фараби Бақыт