"Джиро д'Италия". 16-кезеңде Кангерт екінші болып келді

24 мамыр 2013, 12:59

"Джиро д'Италия" велокөпкүндігінің он алтыншы кезеңі артта қалды. Қазірге, «Астана» командасының капитаны Нибали көшті бастап тұр.

Нибалиден өзге соңғы кезеңдерде команда қатарындағы Кангерт жақсы нәтижелерге қол созып жүр. Алғашқы ондықтан табылып, биіктерден көрінуде. 16-этаптың өзіндік қиыншылықтары болды. Валлуар мен Иврея арасындағы қарлы кезеңде барлық шабандоздар мәре сызығын кесті деуге келмейді. Десе де, еліміздің намысын қорғайтын «Астана» велокомандасы ешқандай жарақатсыз, уақыт жоғалтусыз бұл кезеңді артта қалдырды.

Жалпы кезеңді «Movistar» командасының шабандозы Беньят Инчаусти жеңіп алды. Мәреге екінші болып «Астананың» шабандозы Танел Кангерт келді. Үздік үштікті «Lampre» ұыжымының спортшысы Пшемыслав Ньемец қорытындылады.

Кезең қорытындысы бойынша, «Астана» ұжымының капитаны Винченцо Нибали жалпы есепте бірінші орынды сақтап қалды. Ол екінші орындағы «BMC» командасының шабандозы Кадел Эванстан 1 минут 26 секундқа алда. Ал үшінші орындағы «Sky» спортшсы Ригоберто Урана Нибалиден 2 минут 46 секундқа қалып келеді.

16 кезеңнің нәтижесі:

р/с	Велошабандоздар	Уақыты	+/-
1	Беньят ИНЧАУСТИ	5:52:48
2	Танел КАНГЕРТ «Астана»	5:52:48
3	Пшемыслав НЕМЕЦ	5:52:48
4	Рамунас НАВАРДАУСКАС	5:53:02	+14.000
5	Кадел ЭВАНС	5:53:02	+14.000
12	Винченцо НИБАЛИ «Астана»	5:53:02	+14.000
15	Фабио АРУ «Астана»	5:53:02	+14.000
33	Валерио АНЬОЛИ «Астана»	5:55:12	+02:24.000
82	Паоло ТИРАЛОНГО «Астана»	6:02:07	+09:19.000
125	Андрей ЗЕЙЦ «Астана»	6:09:04	+16:16.000
127	Фредрик КЕСЬЯКОФФ «Астана»	6:09:04	+16:16.000
146	Дмитрий ГРУЗДЕВ «Астана»	6:09:04	+16:16.000

Жалпы нәтиже:

р/с	Велошабандоздар	Уақыты	+/-
1	Винченцо НИБАЛИ «АСТАНА»	67:55:36
2	Кадел ЭВАНС «ВМС»	+1:26	+
3	Ригоберто УРАН «Скай»	+2:46	+
4	Микел СКАРПОНИ «Lampre»	+3:53	+
5	Пшемыслав НЕМЕЦ «Lampre»	+4:13	+