2014 жылы ең көп табысқа кенелген футболшылар

26 наурыз 2015, 10:53

Француздың «France Football» басылымы 2014 жылы ең көп табысқа кенелген футболшылардың рейтингін жариялады. 2013 жылы бұл тізімде бірінші орында тұрған Криштиану Роналду өз орнын басты бәсекелесі Лионель Мессиге босатты.

Аргентина ұлттық құрамасы мен каталондық «Барселона» сұрмергені 2014 жылы 65 миллион еуро табысқа кенелген. Оның тең жартысын Месси клуб сапынан жалақы ретінде алса, қалғанын жарнамадан тапқан. 2013 жылы аргентиналық футболшы 59 миллион еуро көлемінде қаржы тапқан еді.

2013 жылы «France Football» басылымы рейтингінің көшін бастаған Криштиану Роналду араға бір жыл сала екінші орынға сырғыды. Португалдық ойыншы 2014 жылы өз байлығын 54 миллион еуроға молайтқан. Бұл футболшының өткен жылғы табысымен салыстырғанда 12 миллион еуроға аз.

2014 жылы ең көп табысқа кенелген футболшылар рейтингінің үштігін бразилиялық футболшы Неймар қорытындылап тұр. Ол өткен жылы 36,5 миллион еуро көлемінде табысты болған.

2014 жылы ең көп табысқа кенелген футболшылар ондығы:

1. Лионель Месси («Барселона») - 65 миллион еуро
2. Криштиану Роналду («Реал») - 54 млн
3. Неймар («Барселона») - 36.5 млн
4. Тиаго Силва («ПСЖ») – 27.5 млн
5. Робин ван Перси («Манчестер Юнайтед») – 25.6 млн
6. Гарет Бэйл («Реал») – 23.8 млн
7. Уэйн Руни («Манчестер Юнайтед») – 22.5 млн
8. Златан Ибрагимович («ПСЖ») – 21.5 млн
9. Серхио Агуэро («Манчестер Сити») – 21.2 млн
10. Роберт Левандовски («Бавария») – 20.2 млн