Эштон Катчер Forbes тізімінде бірінші орында

Актер, тележүргізуші Эштон Катчер (Ashton Kutcher) Forbes тізімінде телевизиялық актерлер ішінде бірінші орынға көтерілді.  

Forbes-тың анықтауынша, Катчердің табысы 24 миллионға жеткен. Бұл соманы ол 2011 жылдың мамыр айынан 2012 жылдың мамыр айына дейін тапқан. Бұл оның тура бір жылдық табысы болып есептеліп отыр.

Айта кетер бір жәйт, жаңарған рейтинг екі бірдей үлкен сенсация тудырған. Былтырғы тізімде бірінші болған жұлдыздың биыл тіпті ондықта да атының жоқтығы бірінші сенсация болса, ал екіншісі атағы тау асқан Чарли Шиннің бұл тізімге кіре алмағандығы болып отыр.  

Керісінше, екінші орында Хью Лори мен Рэй Романо. Олар дәл осы уақыт аралығында 18 миллион АҚШ доллар сомасында пайда келтірген. Ал үшінші орынға екі бірдей атақты жайғасыпты. 15 миллион АҚШ долларымен Алек Болдуин мен Марк Хармон Forbes тізімінде үштікті бөле-жара толықтырып тұр.

Ондықтағы ауқатты актерлердің тізімі мынау: Тим Аллен (Tim Allen), 14 млн., Джон Крайер (Jon Cryer), 13 млн., Патрик Демпси (Patrick Dempsey), 12 млн.; Джейсон Сигел (Jason Segel), 8 млн., Джим Парсонс (Jim Parsons), 8 млн, Джонни Галецки (Johnny Galecki), 8 млн.

Дайындаған: Ардақ Құлтай

Сурет: bid.ru