Кәукен Кенжетаев - қазақ өнерінің жұлдызы

Кәукен Кенжетаев - қазақ өнерінің жұлдызы

Кәукен Кенжетаев 1916 жылы 25 ақпанда Павлодар облысы, Баянауыл ауданында дүниеге келген. 1936-1941 жылы Мәскеу консерваториясының жанындағы қазақ студиясында білім алған. 1942-1946 жылдары Хабаровск қаласындағы шекарашылар ансамблінде еңбек етті. 1950 жылы Алматы консерваториясын бітіреді. 1946 жылдан бері Абай атындағы Қазақтың Мемлекеттік Опера және Балет театрының әншісі (баритон).


Фильмография

«Жерге қайтып оралу» - режиссер

«Біздің сүйікті дәрігер» - әнші

«Ел басына күн туса» - Бауыржан Момышұлы

«Ән қанатында» - Нұртаза

«Тұлпардың ізі» - Танабай

«Таудағы шынар» - Жапас

«Қызыл тас заставасы» - қарт

«Қыз Жібек» - Базарбай

«Боранды бекет» - Қазанғап

«Гауһартас» - қарт әке

 

Театрдағы режиссерлік жұмыстары

Е.Брусиловский «Амангелді», «Қыз Жібек», «Ер Тарғын», «Жалбыр»

П.Чайковский «Қарғаның мәткесі»

Е.Рахмадиев «Алпамыс»

С.Мұхамеджанов «Айсұлу»

 

Кәукен Кенжетаевтың орындаған партиялары

Е. Брусиловский «Ер Тарғын» - Тарғын

Е. Брусиловский «Қыз Жібек» - Бекежан

Е. Брусиловский «Жалбыр» - Жалбыр

Е. Брусиловский «Дударай» - Семен

М.Төлебаев «Біржан-Сара» - Жанбота

Ж.Бизе «Кармен» - Эскамильо

А.П.Бородин «Князь Игорь» - Князь Игорь

А.Г. Рубенштейн «Демон» - Демон

С.В.Рахманинов «Алеко» - Алеко

Дж.Верди «Аида» - Амонасро

М.Глинка «Руслан мен Людмила» - Руслан

Кәукен Кенжетаев «Алпамыс», «Алдар Көсенің айласы», «Баян жүрек», «Кемпір мен шал, «Қалқаман-Мамыр», «Құсни-Қорлан», «Сапар» т.б. опера либреттоларының авторы. «Сильва», «Фигароның үйленуі», «Тыныш шаңырақ» опера либреттоларын қазақ тіліне аударған. «Дархан дарын», «Мәжит Бегалин», «Высогий дар призвания» атты кітаптары жарық көрген.

1959 жылы Қазақ ССР халық әртісі атағын иеленген. Еңбек Қызыл Ту ордені мен медальдармен марапатталған.

Кәукен Кенжетаев 1979 жылдан бері Қазақ Ұлттық өнер академиясында дәріс оқыған. Академияда музыка-комедия мамандығын ашып, аталған кафедраның меңгерушісі болған. 1985 жылы Кәукен Кенжетавқа профессор атағы берілген.

Актер 2008 жылы 15 наурызда 92 жасында дүниеден өтті.

Суреттер ғаламтор беттерінен алынған.

Ғ. Ұзақ